OV MAL TRUE BRANDS អាចការពារ ជើងឯកនៅមណ្ឌលភ្នំពេញ
- 2016-03-13 03:07:21
- ចំនួនមតិ 0 | ចំនួនចែករំលែក 0
OV MAL TRUE BRANDS អាចការពារ ជើងឯកនៅមណ្ឌលភ្នំពេញ
ចន្លោះមិនឃើញ
ក្រោយវគ្គជម្រុះ Tiger Street Football Festival 2016 នៅមណ្ឌលភ្នំពេញរយៈពេលពីរថ្ងៃ ក្រុម OV MAL TRUE BRANDS អាចការពារជើងឯករបស់ខ្លួននៅមណ្ឌលនេះដោយយកឈ្នះ 3G FC ដោយលទ្ធផល ៣-១ នាវគ្គផ្ដាច់ព្រ័ត្រល្ងាចនេះនៅកោះពេជ្រ។ ការតាំងចិត្តខ្ពស់ពីខាងដើម របស់ OV MAL TRUE BRANDS ពិតជាធ្វើបានសម្រេចមែន។ ចំណែក Victory Youth ទទួលបានចំណាត់ថ្នាក់លេខ៣ បន្ទាប់ពីយកឈ្នះ Rolling FC A ដោយលទ្ធផល ៣-២ ទាំងប្រផុតប្រផើយ ព្រោះត្រូវលេងដកគ្នាសល់ត្រឹមពីរនាក់ទល់ពីរនាក់ប៉ុណ្ណោះ ពេលស្មើ ២-២ ចប់ទាំងពីរតង់។
សកម្មភាពប្រកួត រវាង OV MAL TRUE BRANDS និង 3G FC
សរុបមកពីរថ្ងៃនេះរកបានបេក្ខភាព ១០ ក្រុមនៅមណ្ឌលភ្នំពេញ គឺ OV MAL TRUE BRANDS , 3G FC, Victory Youth, Rolling FC A សម្ព័ន្ធ គសនបក, Victory FC, យុវជន៧មករា, ថ្មចាស់ក្រុងអង្គរ, Black Eagle FC A , និង Baguette United។ ក្រុមទាំង ១០ នឹងចាប់ផ្ដើមប្រកួតជម្រុះដើម្បីឆ្ពោះទៅរកជើងឯកទូទាំងប្រទេសនាថ្ងៃស្អែក ដែលមានការចូលរួមទាំង ៣២ ក្រុម បូកបញ្ចូលទាំងមណ្ឌល ខេត្តព្រះសីហនុ កំពង់ចាម សៀមរាប និង បាត់ដំបង។ ថ្ងៃស្អែកទី១៣ មីនា មិនត្រឹមតែការប្រកួតដ៏ជក់ចិត្តដិតអារម្មណ៍ទេ តែក្រុមហ៊ុនស្រាបៀរថៃហ្គរ័ បានអញ្ជើញស្ដេច Free Style ពិភពលោកគឺ Moss Wassim និង Melody Donchet ដើម្បីមកបង្ហាញជូនកីឡាករយុវជននៅកម្ពុជាទៀតផង។ នេះជាឱកាសដើម្បីទាញយកបច្ចេកទេសពីអ្នកទាំងពីរជាពិសេសការបត់បែននៅលើទីលាន ហ្វូតសាល (រូបខាងក្រោមពេលមកដល់ប្រលានយន្តហោះ)។
អត្ថបទទាក់ទង Tiger Street Football Festival 2016 សូមចុចត្រង់នេះ...
កម្មវិធីប្រកួត ៣២ ក្រុមទូទាំងមណ្ឌលធំៗទាំង ៥ នៅថ្ងៃស្អែក ក្រោយចាប់ឆ្នោតល្ងាចនេះ
វីដេអូ
អត្ថបទ៖ ស្រណោះ