ទេព បូព្រឹក្ស ជិះយន្តហោះ ទៅច្រៀងឲ្យ CCC នៅសៀមរាប

2014-10-23 19:02:21
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងរបស់ផលិតកម្មរស្មីហង្សមាស កញ្ញា ទេព្យ បូព្រឹក្ស នៅថ្ងៃទី ២៦ ខែ តុលា ខាងមុខនេះ នឹងចូលរួមច្រៀង ក្នុងព្រឹត្តិការណ៍ CCC 2014 នៅខេត្ត សៀមរាប ដោយដំណើរចេញទៅច្រៀង តារាស្រីសម្បូរទៅដោយក្បាច់រាំម្នាក់នេះ គឺធ្វើដំណើរតាមយន្តហោះ។

បូព្រឹក្ស បានប្រាប់ Sabay មុននេះបន្ដិចថា មូលហេតុដែលនាំឲ្យនាងសម្រេចធ្វើដំណើរទៅច្រៀងក្នុងព្រឹត្តិការណ៍ CCC 2014 នៅទីក្រុងសៀមរាប តាមជើងយន្តហោះ ក៏ព្រោះតែ ផ្លូវទៅកាន់ទីនោះ រាងពិបាក ដោយមិនចង់ចំណាយពេលច្រើន និង មានកម្មវិធីច្រៀងជាប់ៗគ្នា ទើបជិះយន្តហោះតែម្ដងទៅ។

ព្រឹត្តិការណ៍ CCC 2014 នៅទីក្រុងសៀមរាប នឹងត្រូវធ្វើនៅ ថ្ងៃទី ២៥- ២៦ តុលា ឆ្នាំ ២០១៤ នេះ ដែលប្រព្រឹត្តិទៅ នៅសណ្ឋាគារបូរីអង្គរ។ ក្នុងព្រឹត្តិការណ៍នេះ កញ្ញា ទេព្យ បូព្រឹក្ស បាននាំក្រុមរាំទាំង ៧ នាក់ របស់នាង ទៅជាមួយផងដែរ។ ក្រុមរាំរបស់នាង នឹងត្រូវជិះឡានទៅមុនមួយថ្ងៃ ចំណែកនាង នឹងឡើងយន្តហោះនៅថ្ងៃ ២៦ តែម្ដង ត្បិតអីនាងត្រូវច្រៀងក្នុងថ្ងៃចុងក្រោយ នៃកម្មវិធីនេះ។

កញ្ញា ទេព្យ បូព្រឹក្ស បានសន្យាថា ព្រឹត្តិការណ៍ CCC 2014 នេះ នាងត្រៀមចម្រៀងចំនួន ៥ បទ អមនឹងក្បាច់រាំប្លែក ហើយក៏រំពឹងថា នឹងមានទស្សនិកជនជាច្រើនចូលរួមគាំទ្រនាងផងដែរ។ ក្រៅពីបូព្រឹក្ស លោក Jimmy Kiss ម្ចាស់បទ “Baby I am sorry” ក៏ចូលរួមច្រៀង ក្នុងកម្មវិធីនេះផងដែរ។

ក្រោយពីច្រៀង រួច បូព្រឹក្ស នឹងជិះយន្តហោះ ត្រឡប់មកភ្នំពេញវិញភ្លាមៗ មិនដេកនៅ ទីនោះឡើយ ព្រោះនៅថ្ងៃ បន្ទាប់នាងមានកម្មវិធីច្រៀងឲ្យកម្មវិធីជាច្រើនផ្សេងទៀត។ នេះមិនមែនជាលើកទី ១ ទេ ដែលតារាចម្រៀងមិនធ្លាប់ចេញទៅច្រៀងនៅក្រៅប្រទេសស្រីម្នាក់នេះ ជិះយន្តហោះទៅច្រៀងនៅតាមបណ្ដាខេត្ត ដូចជា ខេត្តសៀមរាប ខេត្តព្រះសីហនុ ជាដើម។ "ភាគច្រើនខ្ញុំ ធ្វើដំណើរតាមយន្តហោះ ព្រោះឆាប់ ហើយក៏មិនសូវចំណាយច្រើនដែរ"។

ព្រឹត្តិការណ៍ CCC 2014 នាំជូនដោយ Sabay និង ក្រុមហ៊ុនទូរសព្ទចល័ត Smart។ Super 40 គឺជា Promotion ពិសេស ថ្មី ដែលផ្ដល់រហូតដល់ទៅចំនួន ៤០ នាទី ដោយឥតគិតថ្លៃសម្រាប់ការទាក់ទងក្នុងប្រព័ន្ធជារៀងរាល់ថ្ងៃ ជាមួយនឹងស៊ីមកាតថ្មី ឬចុច *202# សម្រាប់អតិថិជនចាស់៕