ឌីជេ Mai បរាជ័យការប្រកួតនៅ ហ្វីលីពីន តែជាឱកាសល្អ!
- 2014-10-23 21:47:31
- ចំនួនមតិ 0 | ចំនួនចែករំលែក 0
ឌីជេ Mai បរាជ័យការប្រកួតនៅ ហ្វីលីពីន តែជាឱកាសល្អ!
ចន្លោះមិនឃើញ
Mai មិនអាចយកជ័យជម្នះក្នុងការប្រកួតឌីជេនៅប្រទេសហ្វីលីពីន ដែលមានឈ្មោះថា " Pioneer digital DJ Asia championship" ដូចការរំពឹងទុកបាននោះទេ ខណៈបេក្ខភាពទៅពីបណ្ដាប្រទេសផ្សេងៗ សុទ្ធសឹងតែមានសមត្ថភាពខ្ពស់ ស្ទើរនឹកស្មានមិនដល់។
តាមពិតទៅការប្រកួតជាលក្ខណៈអន្តរជាតិនេះ ធ្វើឡើងតាំងពីថ្ងៃទី ១៩ ខែ តុលា ឆ្នាំ ២០១៤ មកម្ល៉េះ ប៉ុន្តែ សាមីខ្លួនទើបបង្ហើបលទ្ធផលកាលពីព្រឹកមិញ មកកាន់គេហទំព័រ Sabay។ DJ Mai ប្រាប់ ថា៖" មិនធម្មតាទេ ឌីជេគេមានសមត្ថភាពលេងភ្លេងបានល្អញាប់ ចំណែកខ្មែរយើងមានលក្ខណៈយឺតជាងគេឆ្ងាយណាស់ ខ្ញុំប្រឹងអស់ពីលទ្ធភាពហើយ នៅតែមិនអាចឈ្នះទៀត"។
ចំណាត់ថ្នាក់ដែលត្រូវបានជ្រើសរើសក្នុងការប្រកួតនេះ គឺរាប់ចាប់លេខ១ ដល់លេខ ៣។ Mai បន្តថា ឌីជេទៅពីប្រទេសថៃ ជាអ្នកធ្វើបានល្អជាងគេ ហើយទទួលបានចំណាត់ថ្នាក់លេខ ១ ក្នុងចំណោមចម្រុះជាតិសាសន៍ ខណៈស្ត្រីខ្មែរដំបូងរូបនេះ ទទួលបានចំណាត់ថ្នាក់លេខ ៧ ឯណោះ។ នាងទទួលស្គាល់ថា ពូកគេម្នាក់ៗមានការច្នៃប្រឌិតខ្ពស់ ក្នុងវិស័យភ្លេងបែបនេះ។
“ទោះមិនជាប់ចំណាត់ថ្នាក់ដូចគេ ប៉ុន្តែបន្ទាប់ពីការប្រកួតខ្ញុំមានទំនាក់ទំនងច្រើនជាងមុន ហើយអាចមានឱកាសទៅសម្ដែងនៅប្រទេសជាច្រើនផងដែរ"។ នាងបញ្ជាក់យ៉ាងដូច្នេះ។
ម្យ៉ាងទៀត Mai នៅតែមានតួនាទីជាឯកអគ្គរដ្ឋទូតរបស់ Pioneer ដែលជាក្រុមហ៊ុនផលិតសម្ភារៈDJចែកចាយទូទាំងពិភពលោកដដែល បន្ទាប់ពីនាងបានប្រលងជាប់ចំណាត់ថ្នាក់លេខ១នៅប្រទេសកម្ពុជាអំឡុង៣ខែមុន។ ទោះពីជាយ៉ាងណា Mai នៅតែអរគុណដល់ក្រុមហ៊ុនមួយនេះ ដែលបានឧបត្ថម្ភកន្លងមក រហូតជួយជ្រោមជ្រែងឲ្យមានឱកាសចេញទៅប្រកួតជាលក្ខណៈអន្តរជាតិទៀតផង៕
អានអត្ថបទ៖ ទេព បូព្រឹក្ស ជិះយន្តហោះទៅច្រៀងឲ្យ CCC សៀមរាប
អានអត្ថបទ៖ មុនក្លាយជាឯកឧត្ដម តើនាយ ឃ្លោក មានប្រវត្តិបែបណា?
អត្ថបទ៖ សំ ជំនាញ រូបថត៖ DJ Mai