ខ្លារូបអាក្រក់ជាងគេលើលោក ដោយសារការបង្កាត់ពូជសែស្រលាយបងប្អូន

2016-02-24 18:35:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្លាពណ៌ ស ជាប្រភេទសត្វកម្រមួយនៅក្នុងព្រៃ ជាហេតុនាំឲ្យអ្នកទេសចរជុំវិញពិភពលោកចង់ទៅទស្សនាវានៅសួនសត្វ។ ប៉ុន្តែនៅសួនសត្វមួយនៅអាមេរិក មានសត្វខ្លាសមួយក្បាល ដែលត្រូវបានគេចាត់ទុកថាជាសត្វខ្លារូបរាងអាក្រក់ ដោយសារតែការបង្កាត់ពូជសែស្រលាយគ្នា (បងប្អូន)។

តាមរបាយការណ៍ពីស្ថាប័នសង្គ្រោះសត្វ Big Cat Rescue ក្នុងកម្មវិធីបង្កាត់ពូជសត្វខ្លា បង្កឲ្យសត្វខ្លាមួយ ក្នុងចំណោម ខ្លា១ម៉ឺនក្បាល កើតមកមានជំងឺ Leucism។ ជំងឺនេះ ធ្វើឲ្យខ្វះពណ៌លើរាងកាយ ធ្វើឲ្យរោម ក្លាយពណ៌ស និងខ្មៅ និងមានភ្នែកពណ៌ខៀវ។

ក្រៅពីកើតលក្ខខណ្ឌជំងឺខាងលើ វាបានបង្កឲ្យសត្វខ្លាខ្លះ កើតមកមានប្រព័ន្ធស៊ាំចុះខ្សោយ ភ្នែកស្រឡេវ (Cross-eyed) ហើមភ្នែក ព្រមទាំងមានបញ្ហាសរសៃប្រសាទ វៀចមាត់ និងមុខខូចទ្រង់ទ្រាយ។

សត្វខ្លា ស ជាទូទៅមិនត្រូវបានគេលែងវាទៅក្នុងព្រៃវិញនោះទេ បើទោះបីវាមានសុខភាពល្អក៏ដោយ។ នោះគឺដោយសារតែវាងាយរងគ្រោះដោយសារការបរបាញ់។

សត្វខ្លា ឈ្មោះ Kenny

នៅក្នុងឆ្នាំ ២០០០ សត្វខ្លាមួយក្បាល ឈ្មោះថា Kenny អាយុទើបតែ២ឆ្នាំ ត្រូវបាន ស្ថាប័នសង្គ្រោះសត្វព្រៃ Turpentine Creek Wildlife Refuge ជួយសង្គ្រោះចេញពី អ្នកបង្កាត់ពូជឯកជនម្នាក់ក្នុង រដ្ឋ Arkansas ។ Kenny ត្រូវគេឃើញថា មាន មុខធំ ច្រមុះនិងមាត់ខ្លី ធ្មេញលៀនចេញ (ចំទើស) ។

ក្រោយមក ក្រុមសង្គ្រោះសត្វព្រៃក៏បានរកឃើញ ខ្លា Benghal មួយក្បាលពណ៌ទឹកក្រូច ឈ្មោះ Willie មានភ្នែកស្រឡេវ ដែលគេជឿថាវាជាបងប្អូនរបស់ Kenny។

សត្វខ្លាទាំងពីរ ត្រូវបានក្រុមសង្គ្រោះជឿថា ជាកូនចៅខ្លា ដែលកើតពី ជំនាន់មេបាបង្កាត់ពូជ សែស្រលាយគ្នា។

សត្វខ្លា ឈ្មោះ Willie

នៅឆ្នាំ២០១១ កន្លងទៅ សមាគមសួនសត្វសហរដ្ឋអាមេរិក បានហាមឃាត់រាល់ការ បង្កាត់ ខ្លា ស ទាំងឡាយ។ ប៉ុន្តែ ការហាមឃាត់មិនមានប្រសិទ្ធភាព ដោយសារ នៅតែមានការបង្កាត់ពូជ ក្នុងសួនសត្វមួយចំនួនដែលមិនមែនជាសមាជិក ធ្វើឡើងនៅក្នុងរដ្ឋ Las Vegas ទាក់ទាញអ្នកទស្សនា៕