ច្បាប់នៅបារាំងអាចឲ្យកូនៗប្ដឹងឪពុកម្ដាយដែលបង្ហោះរូបថតពួកគេលើ Facebook បាន
- 2016-03-03 17:22:32
- ចំនួនមតិ 0 | ចំនួនចែករំលែក 0
ច្បាប់នៅបារាំងអាចឲ្យកូនៗប្ដឹងឪពុកម្ដាយដែលបង្ហោះរូបថតពួកគេលើ Facebook បាន
ចន្លោះមិនឃើញ
ឪពុកម្ដាយដែលបង្ហោះរូបថតកូនតូចៗលើបណ្ដាញសង្គម អាចប្រឈមនឹងការប្ដឹងពីសំណាក់កូនប្រុស ឬកូនស្រីរបស់ពួកគេបាន។ នេះបើផ្អែកតាមលើច្បាប់នៃសិទ្ធឯកជនរបស់ប្រទេសបារាំង។
ក្នុងកិច្ចសម្ភាសន៍ជាមួយនឹងកាសែត Le Figaro លោក Eric Delcroix អ្នកជំនាញផ្នែកច្បាប់លើបណ្ដាញអ៊ីនធឺណិតបានថ្លែងថា ៖ "មិនយូរទេនៅក្នុងប៉ុន្មានឆ្នាំខាងមុខ កូនៗអាចនឹងប្ដឹងឪពុកម្ដាយរបស់ពួកគេឡើងតុលាការយ៉ាងងាយ ពីបទបង្ហោះរូបថតនៅពីតូចរបស់ពួកគេ"។ អ្នកជំនាញរូបនេះបន្ថែមទៀតថា ឪពុកម្ដាយទាំងឡាយអាចប្រឈមមុខនឹងការជាប់ឃុំរយៈពេលមួយឆ្នាំ និងរងការពិន័យជាទឹកប្រាក់ប្រមាណ ៥ម៉ឺនដុល្លារ។
គួររំលឹកថាកាលពីខែកុម្ភៈកន្លងទៅភ្នាក់ងារអនុវត្តច្បាប់របស់ប្រទេសបារាំងបានសម្ដែងការព្រួយបារម្ភពីសុវត្ថិភាពរបស់ក្មេងតូចៗ ដោយបានបង្ហោះសារលើបណ្ដាញ Facebook ថា៖ "សូមមេត្តាឈប់បង្ហោះរូបថតកូនៗរបស់អ្នកនៅលើ Facebook ទៀតទៅ"។
ភ្នាក់ងារនេះបានបន្ថែមថា ការបង្ហោះរូបភាពកូនៗលើ Facebook ដូចនេះគឺមិនមានសុវត្ថិភាពឡើយ។ វាជារឿងចាំបាច់បំផុតក្នុងការការពារសិទ្ធឯកជនរបស់ក្មេងតូចៗ ព្រមទាំងរូបភាពរបស់គេនៅលើបណ្ដាញសង្គម៕ ចុចអាន៖ ប្រើ emoji រូបកាំភ្លើង គ្រាប់បែក កាំបិត ត្រូវឃាត់ខ្លួន
ប្រែសម្រួល៖ ហៃ សុខហេង ប្រភព៖ DailyMail