ចាប់បានត្រីចម្លែក ច្រមុះវែង មានស្លាបនិងភ្នែកភ្លឺ
- 2016-03-11 16:57:01
- ចំនួនមតិ 0 | ចំនួនចែករំលែក 0
ចាប់បានត្រីចម្លែក ច្រមុះវែង មានស្លាបនិងភ្នែកភ្លឺ
ចន្លោះមិនឃើញ
ត្រីចម្លែកមួយក្បាលបានទើរជាប់ក្នុងសំណាញ់អ្នកនេសាទនៅប្រទេសកាណាដា បានបង្កជាការភ្ញាក់ផ្អើលដល់មនុស្សជាច្រើន កាលពីពេលថ្មីៗនេះ។
តាមសារព័ត៌មាន CBC News បានឲ្យដឹងថា ត្រីចម្លែកខាងលើត្រូវកប៉ាល់ដំណើរកម្សាន្តនិងនេសាទត្រីមួយចាប់បាននៅក្នុងកោះ Newfoundland ដោយវាបានទាក់សំណាញ់នេសាទ។ វាមាន ច្រមុះស្រួចវែង មានស្លាប និងភ្នែកភ្លឺ។
តាមការឲ្យដឹងពីសារព័ត៌មាន អង់គ្លេស Dailymail បានឲ្យដឹងថា ត្រីខាងលើគឺជាប្រភេទត្រី Chimaera ដែលមានទម្ងន់ប្រហែលពីពីរទៅ៥គីឡូក្រាម។ ជាទូទៅត្រី Chimaera រស់នៅក្នុងទឹកជ្រៅ ប្រហែលជម្រៅ ២ពាន់ម៉ែត្រក្នុងសមុទ្រ។ វាមានភ្នែកពណ៌ខ្មៅ ប៉ុន្តែពេលវាត្រូវពន្លឺថ្ងៃ ភ្នែករបស់វាប្រែពណ៌ទៅជាបៃតងភ្លឺ។
ត្រី Chimaera ត្រូវបានអ្នកនេសាទហៅឈ្មោះវា ផ្សេងទៀតថា ត្រីទន្សាយ ឬត្រីខ្មោចឆ្លាម។ វាជាប្រភេទត្រីក្នុងសន្តានក្រុមត្រីឆ្លាមដែលមានវត្តមានលើផែនដី ប្រហែល៤០០លានឆ្នាំកន្លងទៅ។ Chimaera អាចប្រើភ្នែកដើម្បីទាក់ទាញចំណីនៅទីងងឹតបាន វាអាចស៊ីបង្គា និងក្ដាមបាន តែវាមិនវាយប្រហារមនុស្សនោះទេ៕
ចុចអាន៖ ត្រីដូហ្វីនមួយក្បាលងាប់ ដោយសារប្រជាជននាំយកទៅលើគោក ថត Selfie
ប្រែសម្រួល៖ មាន រតនា ប្រភព៖ cbc, dailymail