សុនខ ក្លូនដំបូងគេលើលោក ងាប់នៅអាយុ១០ឆ្នាំ
- 2016-03-15 18:11:23
- ចំនួនមតិ 0 | ចំនួនចែករំលែក 0
សុនខ ក្លូនដំបូងគេលើលោក ងាប់នៅអាយុ១០ឆ្នាំ
ចន្លោះមិនឃើញ
ក្រុមអ្នកវិទ្យាសាស្ត្រកូរ៉េខាងត្បូងនៃមហាវិទ្យាល័យវេជ្ជសាស្ត្រពេទ្យសត្វ ក្នុងសាកលវិទ្យាល័យជាតិសេអ៊ូល បានអះអាងនៅថ្ងៃច័ន្ទម្សិលមិញថា សុនខក្លូនដំបូងគេលើពិភពលោកបានងាប់ហើយនៅអាយុ ១០ឆ្នាំ។
សុនខនេះមានឈ្មោះ Snuppy ដែលជាពាក្យកាត់របស់សាកលវិទ្យាល័យសេអ៊ូល ( Seoul National University puppy ) បានកើតក្នុងខែមេសា ឆ្នាំ ២០០៥ តាមរយៈកិច្ចខិតខំប្រឹងប្រែងរបស់ក្រុមអ្នកវិទ្យាសាស្ត្រកូរ៉េខាងត្បូង ដឹកនាំដោយអ្នកស្រាវជ្រាវបណ្ដុះកោសិកា លោក Hwang Woo-suk ដែលជាប្រធានមូលនិធិស្រាវជ្រាវជីវសាស្ត្រ Sooam។
Snuppy រស់នៅមានអាយុស្មើនឹងអាយុជាមធ្យមរបស់សុនខធម្មតា ដែលផ្ទុយពីការអះអាងខ្លះថា សត្វក្លូនរស់នៅមិនបានយូរដូចធម្មជាតិទេ។ ប៉ុន្តែការបាត់បង់ជីវិតរបស់សុនខនេះ គេមិនទាន់ទទួលបានលម្អិតនៅឡើយទេ។ គ្រប់គ្នាចង់ឲ្យមានក្លូនសុនខញី តែអ្នកជំនាញថាសុនខញីបញ្ចេញពងអូវុលតែ ២ដងប៉ុណ្ណោះក្នុងមួយឆ្នាំ ដែលធ្វើឲ្យការផ្ទេរដំណាក់កាលលូតលាស់ និងការក្លូនមានភាពលំបាកជាង។
អ្នកស្រាវជ្រាវ បានក្លូនសុនខចំនួន ២ក្បាលក្នុងឆ្នាំ ២០០៥ ដោយសុនខខាងលើមុនដំបូងគេ ដោយផ្ទេរជាលិកាចូលក្នុងស៊ុតញី ដើម្បីអាចបង្កកំណើតក្នុងស្បូន។ ក្រុមស្រាវជ្រាវខាងលើនិយាយថាពួកគេគ្រោងក្លូនទៅសុនខមួយទៀត ដោយប្រើកោសិការបស់សុនខងាប់ទៅ Snuppy នេះបន្តទៀត។
លោកHwang ត្រូវគេស្គាល់ថាអ្នកជំនាញបណ្ដុះកោសិកាមុនគេ និងក្លូនសត្វ ដោយគាត់ថាការក្លូនសុនខ ពិតជាមានតម្លៃក្នុងការស្វែងរកបច្ចេកវិទ្យាថ្មីៗ ដើម្បីព្យាបាលជំងឺមនុស្សផងដែរ៕
ចុចអាន៖ ជួបសុនខកម្ពស់ជាង ២ម៉ែត្រ ខ្ពស់បំផុតក្នុងលោក
ចុចអាន៖ សុនខគួរឲ្យអាណិត គេពិសោធហើយទុកចោលមិនមើលថែ
ចុចអាន៖ សុនខ៣ក្បាល ត្រូវព្រួញកាំប្រមាបាញ់ពេញខ្លួន មានអ្នករៃលុយជួយខ្ទង់ម៉ឺនដុល្លារ
ប្រែសម្រួល៖ ឡេង ភារុណ ប្រភព៖ Korea Joongand Daily