ចិននឹងទម្លាក់ទឹកចូលទន្លេមេគង្គ រំដោះគ្រោះរាំងស្ងួតដល់ប្រទេសជាប់ទន្លេ
- 2016-03-16 16:27:57
- ចំនួនមតិ 0 | ចំនួនចែករំលែក 0
ចិននឹងទម្លាក់ទឹកចូលទន្លេមេគង្គ រំដោះគ្រោះរាំងស្ងួតដល់ប្រទេសជាប់ទន្លេ
ចន្លោះមិនឃើញ
ប្រទេសចិននឹងទម្លាក់ទឹកពីទំនប់ទៅកាន់តំបន់ទំនាបចូលទន្លេមេគង្គ ដើម្បីជួយកាត់បន្ថយគ្រោះរាំងស្ងួតក្នុងប្រទេសឡាវ មីយ៉ាន់ម៉ា ថៃ កម្ពុជា និងវៀតណាម។ នេះបើតាមក្រសួងការបរទេសចិន បានមានប្រសាសន៍នៅថ្ងៃអង្គារម្សិលមិញ។
“យើងនឹងទម្លាក់ទឹកជួយសង្គ្រោះពីទំនប់ស្ថានីយវារីអគ្គិសនី Jinghong ចាប់ពីថ្ងៃទី១៥ ខែមីនា ដល់ ១០មេសា"។ អ្នកនាំពាក្យក្រសួងលោក Lu Kang ថ្លែង។
ការសម្រេចបង្ហូរចេញនេះ ក្រោយប្រទេសវៀតណាមបានស្នើសុំប្រទេសចិន ឲ្យទម្លាក់ទឹកបន្ថែមពីទំនប់ស្ថានីយវារីអគ្គិសនីនៅខេត្តយូណាន ដើម្បីជួយសង្គ្រោះគ្រោះរាំងស្ងួតនៅតាមតំបន់ដីសណ្ដទន្លេមេគង្គ។
ទន្លេមេគង្គមានប្រភពមកពីចិន និងហូរកាត់តាមប្រទេសមីយ៉ាន់ម៉ា ឡាវ ថៃ កម្ពុជា និងវៀតណាម។ លោកបន្តថា៖ "ប្រទេសចិន និង៥ប្រទេសតាមបណ្ដោយទន្លេមេគង្គខាងលើ ជាប្រទេសជិតខាងជិតស្និទ្ធ និងចេះជួយគ្នាទៅវិញទៅមក"។
ចាប់តាំងពីចុងឆ្នាំ ២០១៥ ប្រទេសទាំង៥ បានជួបគ្រោះរាំងស្ងួតតាមកន្លែងផ្សេងៗគ្នា ដោយសារបាតុភូតរាំងស្ងួត El Nino ដែលធ្វើឲ្យស្ថានភាពកាន់តែអាក្រក់ទៅៗ និងគំរាមកំហែងដល់ជីវិតរស់នៅរបស់មនុស្ស៕
ចុចអាន៖ ទំនៀមទម្លាប់៦យ៉ាង របស់ប្រជាជនចិន ដែលជនបរទេសមិនអាចយល់បាន
ចុចអាន៖ ជំងឺមហារីកឆក់យកជីវិតជនជាតិចិន ៧៥០០នាក់រៀងរាល់ថ្ងៃ
ប្រែសម្រួល៖ ឡេង ភារុណ ប្រភព៖ CCTV NEWS
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
