ពាក្យចុងក្រោយរបស់ភីឡុត ដែលបញ្ជាយន្តហោះធ្លាក់នៅរុស្ស៊ី

2016-03-20 17:13:32
ចំនួនមតិ 0 | ចំនួនចែករំលែក 0

ចន្លោះមិនឃើញ

កិច្ចសន្ទនាចុងក្រោយរបស់ភីឡុត (អាកាសយានិក) ដែលបញ្ជាជើងហោះហើរ FlyDuba Flight FZ981 ធ្លាក់នៅប្រទេសរុស្ស៊ីស្លាប់មនុស្សចំនួន៦២នាក់ម្សិលមិញនោះ គឺនិយាយពីកង្វល់ នៃបញ្ហាអាកាសធាតុ។

ភីឡុត Aristos Sokratous (អាវខ្មៅ-ឆ្វេង) និងជំនួយការ Alejandro Álava Cruz

បើតាមខ្សែអាត់សំឡេងរយៈពេល៧នាទី ពីកន្លែងត្រួតពិនិត្យចរាចរណ៍ផ្លូវអាកាស បានឲ្យដឹងថា ភីឡុត Aristos Sokratous បានសួរជំនួយការរបស់ខ្លួនថា "តើអាកាសធាតុ ប្រសើរឡើងហើយ?” មុនពេលយន្តហោះនោះចុះចតនៅប្រលានយន្តហោះ Rostov-on-Don ផ្ទុះឆេះ។

យន្តហោះ Boeing 738 របស់ជើងហោះហើរ FlyDuba Flight FZ981 បានធ្វើដំណើរពីទីក្រុង Dubai ឆ្ពោះទៅប្រលានយន្តហោះ Rostov-on-Don ភាគខាងត្បូងប្រទេសរុស្ស៊ី ប៉ុន្តែបែរជាជួបឧបទ្ទវហេតុធ្លាក់យន្តហោះនៅពេលចុះចត វេលាម៉ោង៤:០០ព្រឹកម្សិលមិញ (ម៉ោងនៅរុស្ស៊ី) ធ្វើឲ្យស្លាប់មនុស្សសរុប៦២នាក់។

ក្នុងចំណោមជនរងគ្រោះអ្នកស្លាប់៦២នាក់ ត្រូវបានគេដឹងថា មានអ្នកដំណើរសរុប៥៥នាក់ ភាគច្រើនជាជនជាតិរុស្ស៊ី ជនជាតិអ៊ុយក្រែន៨នាក់ ឥណ្ឌា២នាក់ អ៊ូបេគីស្ថាន១នាក់ ក្នុងនោះមានក្មេង៤នាក់ រួមទាំងអាកាសយានិក៧នាក់ផងដែរ បានបាត់បង់ជីវិតទាំងអស់៕