មហាសេដ្ឋីបច្ចេកវិទ្យាទាំងពីររូប និយាយអ្វីខ្លះពេលជួបគ្នានៅប៉េកាំង?

2016-03-22 17:24:55
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Mark Zuckerberg ស្ថាបនិកបណ្ដាញ Facebook រួមជាមួយលោក Jack Ma ម្ចាស់ក្រុមហ៊ុន Alibaba បានជួបពិភាក្សាគ្នាក្នុងកិច្ចប្រជុំកំពូលប្រចាំឆ្នាំពីសេដ្ឋកិច្ច ដែលរៀបចំឡើងនៅទីក្រុងប៉េកាំង។

ក្នុងកិច្ចប្រជុំនេះមហាសេដ្ឋីទាំងពីររូបបានលើកយកប្រធានបទមួយដែលនិយាយពីការដែលមនុស្សអាចយកឈ្នះហ្គេមកុំព្យូទ័រ Go to Google របស់ AlphaGo។ គាត់ទាំងពីរបានឯកភាពថា ទោះបីជាកុំព្យូទ័រមាននឹងសមត្ថភាពកាន់តែខ្លាំងឡើងក្នុងពេលប៉ុន្មានឆ្នាំទៀតក៏ដោយ ប៉ុន្តែគេនៅតែត្រូវការវត្តមានរបស់មនុស្ស។

មហាសេដ្ឋីចិនវ័យ៥១ឆ្នាំបានថ្លែងដូចនេះ ៖ "ខ្ញុំគិតថាម៉ាស៊ីននឹងមានសមត្ថភាពខ្លាំងជាងមនុស្ស, ម៉ាស៊ីននឹងឆ្លាតជាងមនុស្ស ប៉ុន្តែម៉ាស៊ីននឹងមិនមានការគិតប្រកបដោយគតិបណ្ឌិតដូចជាមនុស្សឡើយ"។ គតិបណ្ឌិត, ដួងព្រលឹង, និងបេះដូងគឺជាអ្វីដែលមនុស្សមានលើសម៉ាស៊ីន ដោយម៉ាស៊ីនមិនអាចរីករាយនឹងភាពជោគជ័យ មិត្តភាព ឬស្នេហានោះឡើយ។

ក្រៅពីមានការគិតស្រដៀងគ្នាអំពីបច្ចេកវិទ្យាហើយស្ថាបនិកទាំងពីររូបនេះក៏មានរឿងរាវជាច្រើនទៀតដែលស្រដៀងគ្នា ជាក់ស្ដែងពួកគេសុទ្ធតែជាម្ចាស់នៃក្រុមហ៊ុនផ្សព្វផ្សាយដែលត្រូវបានបិទនៅលើទឹកដីប្រទេសចិនផងដែរ៕

ចុចអាន៖ Mark Zuckerberg រំអិលខ្លួនចុះពីលើមហាកំផែងចិន

ប្រែសម្រួល៖ ហៃ សុខហេង ប្រភព៖ shanghaiist