មហាសេដ្ឋីស្រីមានបំផុតទាំង១០រូបលើលោក
- 2016-04-01 22:39:07
- ចំនួនមតិ 0 | ចំនួនចែករំលែក 0
មហាសេដ្ឋីស្រីមានបំផុតទាំង១០រូបលើលោក
ចន្លោះមិនឃើញ
មហាសេដ្ឋីពាន់លានដុល្លារភេទស្រីចំនួន១០រូប ត្រូវគេចាត់ថ្នាក់ជាអ្នកមានទ្រព្យសម្បត្តិច្រើនជាងគេបំផុតនៅ លើពិភពលោក ក្នុងចំណោមមនុស្សស្រីទាំងអស់។ មហាសេដ្ឋីស្រីទាំងនេះមានទ្រព្យសម្បត្តិ ដោយសារការខិតខំប្រឹងប្រែងរកស៊ីខ្លួនឯង ដែលមិនមែនជាមរតកបន្សល់ពីក្រុមគ្រួសារឡើយ។
ក្នុងចំណោមមហាសេដ្ឋីកំពូលគេទាំង ១០រូប ខាងក្រោម ភាគច្រើនរស់នៅអាមេរិក តែលេខមួយកំពូលតារាងជាជនជាតិអាស៊ី។
១០. អ្នកស្រី Giuliana Benetton មានទ្រព្យ ២,៧ពាន់លានដុល្លារ
ជាជនជាតិអ៊ីតាលី អាយុ ៧៨ឆ្នាំ ម្ចាស់ក្រុមហ៊ុនច្នៃម៉ូតសំលៀកបំពាក់ Benetton Group ។
៩. អ្នកស្រី Wu Yajun មានទ្រព្យ ២,៨ពាន់លានដុល្លារ
ជាជនជាតិចិន មានអាយុ ៥១ឆ្នាំ ម្ចាស់ក្រុមហ៊ុនអចលនទ្រព្យ Longfor Properties។
៨.អ្នកស្រី Oprah Winfrey មានទ្រព្យ ២,៨ ពាន់លានដុល្លារ
ជាជនជាតិអាមេរិក អាយុ ៦២ឆ្នាំ ម្ចាស់ក្រុមហ៊ុនប្រព័ន្ធផ្សព្វផ្សាយ Harpo Productions។
៧. អ្នកស្រី Jin Sook Chang មានទ្រព្យ ៣,១ពាន់លានដុល្លារ
ជាជនជាតិកូរ៉េខាងត្បូង ចូលសញ្ជាតិអាមេរិក មានអាយុ ៥២ឆ្នាំ ម្ចាស់ក្រុមហ៊ុនច្នៃម៉ូតសំលៀកបំពាក់ Fashion 21 បើកដំណើរការដំបូងក្នុងឆ្នាំ ១៩៨៤។
៦. អ្នកស្រី Doris Fisher មានទ្រព្យ ៣,២ពាន់លានដុល្លារ
ជាជនជាតិអាមេរិក អាយុ ៨៤ឆ្នាំ ម្ចាស់ក្រុមហ៊ុនច្នៃម៉ូដសំលៀកបំពាក់ Gap ចាប់ផ្ដើមក្នុងឆ្នាំ ១៩៦៩។
៥. អ្នកស្រី Elizabeth Holmes មានទ្រព្យ ៤,៥ពាន់លានដុល្លារ
ជាជនជាតិអាមេរិក វ័យ ៣២ឆ្នាំ ម្ចាស់មជ្ឈមណ្ឌលថែទាំសុខភាព Theranos ហើយអ្នកស្រីក៏ជាមហាសេដ្ឋីស្រីរកស៊ីខ្លួនឯង វ័យក្មេងជាងគេបំផុតក្នុងលោកដែរ។
៤. អ្នកស្រី Pollyanna Chu មានទ្រព្យ ៤,៩ពាន់លានដុល្លារ
ជាប្រជាជនហុងកុង អាយុ ៥៨ឆ្នាំ ម្ចាស់ក្រុមហ៊ុនហិរញ្ញវត្ថុ Kingston Financial Group បង្កើតក្នុងឆ្នាំ ១៩៩៣ជាមួយស្វាមី។
៣. អ្នកស្រី Chan Laiwa មានទ្រព្យ ៥,២ពាន់លានដុល្លារ
ជាជនជាតិចិន មានវ័យ ៧៤ឆ្នាំ ម្ចាស់ក្រុមហ៊ុនអចលនទ្រព្យ Fu Wah International បង្កើតក្នុងឆ្នាំ ១៩៨៨ នៅទីក្រុងប៉េកាំង។
២. អ្នកស្រី Diane Hendricks មានទ្រព្យ ៥,៦ពាន់លានដុល្លារ
ជាជនជាតិអាមេរិក អាយុ ៦៩ឆ្នាំ ម្ចាស់ក្រុមហ៊ុនផ្គត់ផ្គង់គ្រឿងសំណង់ ABC Supply Co. បើកដំណើរក្នុងឆ្នាំ១៩៨២ ហើយពេលនេះមានជាង ៦០០ទីតាំងក្នុងសហរដ្ឋអាមេរិក។
១. អ្នកស្រី Zhou Qunfei មានទ្រព្យ ៦ពាន់លានដុល្លារ
ជាជនជាតិចិន អាយុ ៤៦ឆ្នាំ ម្ចាស់ក្រុមហ៊ុនបច្ចេកវិទ្យា Lens Technology បើកដំបូងក្នុងឆ្នាំ ១៩៩៣។ ក្នុងឆ្នាំ២០០៣ ក្រុមហ៊ុនស្មាតហ្វូន Motorola បានស្នើឲ្យអ្នកស្រី ផលិតកញ្ចក់ប្លាស្ទិកស្វិតសម្រាប់ស្មាតហ្វូនលក់។ ឯឆ្នាំ ២០០៧ ក្រុមហ៊ុន Apple ធ្លាប់ពឹងពាក់ក្រុមហ៊ុនអ្នកស្រីឲ្យធ្វើ Keyboard touch Screen សម្រាប់ជំនាន់ Iphone លើកដំបូងដែរ។ បច្ចុប្បន្នអតិថិជន Lens Technology មាន Apple និង Sumsung ទៀតផង៕
ចុចអាន៖ មហាសេដ្ឋីពាន់លានដុល្លារចិន វ័យក្មេងជាងគេបំផុតទាំង១០
ចុចអាន៖ អាយុ១៩ឆ្នាំ ក្លាយជាមហាសេដ្ឋីពាន់លានដុល្លារ ក្មេងបំផុតក្នុងលោក
ចុចអាន៖ មហាសេដ្ឋីប្រេង ផ្ដល់កាដូគ្រីសម៉ាស់១០ម៉ឺនដុល្លារឲ្យគ្រប់បុគ្គលិកជិត១៤០០នាក់
ប្រែសម្រួល៖ ឡេង ភារុណ ប្រភព៖ Businessinsider