ត្បិត​ថា​តារា​​អន្តរជាតិ​ល្បីៗ​​​មាន​ថវិកា​ច្រើន​ អាច​​​ទិញ​រថយន្ត​​ទំនើប​កប់​ស៊េរី​ដែល​មាន​តម្លៃ​ថ្លៃ​ ប៉ុន្តែ​ពួក​គេ​​ហាក់​មិន​ងាក​ចេញ​ឆ្ងាយ​ពី​រថយន្ត​​ទាំង​ប្រាំ​ម៉ូដែល​ខាង​ក្រោម​ឡើយ៖

-Ferrari 458 Italia

ជា​កំពូល​រថយន្ត​មួយ​ដែល​តារា​ល្បីៗ​ភាគ​ច្រើន​និយម​ជាវ​​យក​មក​ប្រើ​ប្រាស់។ ម្ចាស់​រថយន្ត​ Ferrari 458 Italia ដែល​មាន​ឈ្មោះ​ល្បី​មាន​ដូច​ជា​ Rod Stewart, Kylie Jenner, Justin Bieber, Kim Kardashian, Iggy Azalea, Floyd Mayweather, Lebron James និង​ James May ជា​ដើម។

-Bentley Continental

តារាៗ​ដែល​ចូល​ចិត្ត​រថយន្ត​ពោរពេញ​ដោយ​ភាព​ឡូយ​ឆាយ​ ភាគ​ច្រើន​បាក់​ចិត្ត​លើ​រថយន្ត​ Bentley Continental នេះ​ ដោយ​តារា​ទាំង​នោះ​មាន​ដូច​ជា​ Paris Hilton, Tyrese Gibson, Jean-Claude Van Damme, Khloe Kardashian និង​ Cindy Crawford ជា​ដើម។

-Rolls-Royce

ជា​រថយន្ត​ដែល​ពិសេស​មួយ​ដោយ​កន្លង​មក​គេ​ឃើញ​មាន ​លោក​​ Robert Herjavec, Simon Cowell, Kanye West និង​ Lady Gaga ​បាន​ប្រើ​ប្រាស់​។

-Toyota Prius

ត្បិត​ថា​រថយន្ត​នេះ​មាន​តម្លៃ​ថោក​ និង​មិន​មាន​រូបរាង​​ទាក់​ទាញ​ខ្លាំង​ដូច​រថយន្ត​ខាង​លើ​ប៉ុន្តែ​មាន​តារា​ល្បី​ៗ​ជា​ច្រើន​បាន​ប្រើ​ប្រាស់​រថយន្ត​​ម៉ូដែល​នេះ​ ដោយ​មាន​ដូច​ជា​ Leonardo DiCaprio, Freddie Prinze Jr., Bradley Cooper, Michelle Rodriguez, Natalie Portman និង​ Cameron Diaz ​ជា​ដើម។ ​មិន​តែ​ប៉ុណ្ណោះ​សូម្បី​តែ​អតីត​កីឡាករ​បាល់​ទាល់​ល្បី​ល្បាញ​ David Beckham ក៏​ធ្លាប់​ប្រើ​ប្រាស់​រថយន្ត​នេះ​ដែរ ប៉ុន្តែ​បាន​ប្ដូរ​ចេញ​ចេញ​ បន្ទាប់​ពី​ប្រើ​ប្រាស់​មួយ​រយៈ។

-Range Rover

អ្នក​ដែល​តាមដាន​ខាង​វិស័យ​សិល្បៈ​អន្តរជាតិ​ប្រហែល​ជា​សង្កេត​ឃើញ​ថា​មាន​តារា​មិន​តិច​ទេ​ ដែល​ប្រើ​ប្រាស់​រថយន្ត​​ម៉ូដែល​ Range Rover នេះ៕​​​

​​​​

ចុច​អាន៖ ម៉ូដែល​​រថយន្ត​ Lamborghini ​​ប្លែកៗ​ ការពិត​យក​ឈ្មោះ​តាម​គោ​ជល់

ប្រែ​សម្រួល៖ ហៃ​ សុខ​ហេង ប្រភព៖ CarBuzz​​​​​​​​​​