ថៃ សង់កូនប្រាសាទព្រះវិហារក្នុងខេត្តស៊ីសាកេត
- 2016-04-25 21:49:44
- ចំនួនមតិ 0 | ចំនួនចែករំលែក 0
ថៃ សង់កូនប្រាសាទព្រះវិហារក្នុងខេត្តស៊ីសាកេត
ចន្លោះមិនឃើញ
តាមសារព័ត៌មាន Bangkok Post ចុះផ្សាយថ្ងៃទី២៥ មេសានេះ បានឲ្យដឹងថា យោធាថៃបានសាងសង់កូនប្រាសាទព្រះវិហារតូចមួយមានខ្នាត ១លើ១០នៃប្រាសាទព្រះវិហារពិត លើទំហំផ្ទៃដី ៦០០ម៉ែត្រការ៉េ នៅឧទ្យានជាតិថៃ Khao Phra Viharn ក្នុងខេត្តស៊ីសាកេត។
សំណង់កូនប្រាសាទព្រះវិហារតូច ដែលមានខ្នាត ១លើ១០នៃប្រាសាទព្រះវិហារពិត លើទំហំផ្ទៃដី ៦០០ម៉ែត្រការ៉េ នៅឧទ្យានជាតិថៃ Khao Phra Viharn ក្នុងខេត្តស៊ីសាកេត
ប្រភពសារព័ត៌មានដដែលបានឲ្យដឹងថា គោលបំណងនៃការសាងសង់នោះឡើង គឺដោយសារកម្ពុជាមិនព្រមបើកព្រំប្រទល់ឲ្យខាងថៃចូលទៅក្នុងប្រាសាទព្រះវិហារ។ ទាហានថៃសង្ឃឹមថាសំណង់ប្រាសាទព្រះវិហារតូចនោះនឹងទាក់ទាញភ្ញៀវទេសចរទៅលេងឧទ្យានជាតិ Khao Phra Viharn និងអាចទស្សនាប្រាសាទនៃសតវត្សទី១១។
ចំពោះការសង់កូនប្រាសាទព្រះវិហារនោះផងដែរ គឺជាសញ្ញាបង្ហាញដល់កម្ពុជាថាថៃត្រៀមខ្លួនរួចរាល់សម្រាប់ការអភិវឌ្ឍតំបន់ធ្លាប់មានជម្លោះសម្រាប់ជាផលប្រយោជន៍សេដ្ឋកិច្ចនិងទេសចររបស់ប្រទេសទាំងពីរដែលសម្រេចដោយតុលាការយុត្តិធម៌អន្តរជាតិ ICJ ។ នេះបើតាមការឲ្យដឹងពីមន្ត្រីរដ្ឋាភិបាលថៃ លោក Col Thanasak Mitraphanont ។
ការសាងសង់កូនប្រាសាទព្រះវិហារខាងលើបានចំណាយរយៈពេល៥ខែ និងចំណាយទឹកប្រាក់អស់៥លានបាត (ជាង១សែនដុល្លារ)និងបានរួចរាល់សម្រាប់អ្នកទេសចរចូលទស្សនាផងដែរ។ ដោយឡែកយោធាថៃសង្ឃឹមថាកម្ពុជានឹងយល់ព្រមបើកច្រកព្រំប្រទល់ឲ្យខាងថៃចូលទៅក្នុងប្រាសាទព្រះវិហារ៕
ចុចអាន៖ ឥណ្ឌាកំពុងសាងសង់ប្រាសាទឧទ្ទិសសាសនាធំជាងប្រាសាទអង្គរវត្ត
ប្រែសម្រួល៖ មាន រតនា ប្រភព៖ bangkokpost