ចង់ដឹងទេ Facebook អាចរកលុយពីអ្នកប្រើប្រាស់ម្នាក់ៗបានប៉ុន្មាន?

2016-04-28 20:49:03
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍ហិរញ្ញវត្ថុប្រចាំត្រីមាសទីមួយ ឆ្នាំ២០១៦ ដែលបញ្ចេញដោយ Facebook បានបង្ហាញថា ក្រុមហ៊ុននេះអាចរកចំណូលសរុបបានដល់ទៅ ៥,៣៨ពាន់លានដុល្លារ។ ជាមួយគ្នានេះក៏បានបង្ហាញពីចំណូលអាចរកបានពីអ្នកប្រើប្រាស់ម្នាក់ៗ ដែលបច្ចុប្បន្នមានចំនួន ១,៦៥ពាន់លាននាក់។

តាមទិន្នន័យក្នុងក្រាហ្វិកបានបង្ហាញថា សហរដ្ឋអាមេរិកនិងកាណាដាជាតំបន់ដែល Facebook អាចរកចំណូលបានច្រើនជាងគេពីអ្នកប្រើប្រាស់ម្នាក់ ដោយជាមធ្យមរកបាន ១២,៤៣ដុល្លារ ក្នុងរយៈពេលមួយត្រីមាសដំបូងនេះ។

ជាបន្តគឺតំបន់នៅសហភាពអឺរ៉ុបដោយអ្នកប្រើប្រាស់ម្នាក់ៗអាចជួយឲ្យ Facebook រកចំណូលជាមធ្យមបាន ៣,៩៨ដុល្លារ។ ចំណែកឯតំបន់អាស៊ីប៉ាស៊ីហ្វិកឯនេះវិញ Facebook រកទាញយកថវិកាជាមធ្យមបាន ១,៥៦ ដុល្លារពីអ្នកប្រើម្នាក់។

នៅតំបន់ដទៃទៀតក្នុងពិភពលោក Facebook អាចរកចំណូលបានជាមធ្យមគឺ ០,៩១ដុល្លារ ពីអ្នកប្រើប្រាស់ម្នាក់។ បើគិតជារួមនៃអ្នកប្រើប្រាស់ជុំវិញពិភពលោកគឺពួកគេអាចជួយឲ្យ Facebook រកចំណូលជាមធ្យមបាន ៣,៣២ ដុល្លារ។

ចំណូលដែល Facebook អាចរកបានពីអ្នកប្រើប្រាស់របស់ខ្លួនគឺរួមបញ្ចូលទាំង កម្រៃសេវាកម្ម និង បានពីការផ្សព្វផ្សាយពាណិជ្ជកម្ម ដែលជាប្រភពចំណូលដ៏ធំមិនចេះរីងស្ងួត៕

ចុចអាន៖ មិនធម្មតា! ដើមឆ្នាំនេះប្រាក់ចំណេញរបស់ Facebook កើនឡើងគុណនឹងបី

ប្រែសម្រួល៖ ហៃ សុខហេង ប្រភព៖ wixtechs