វីដេអូក្មេងស្រីគ្មានដៃ មើលហើយទប់ទឹកភ្នែកមិនបាន

2014-10-27 22:08:23
ចំនួនមតិ 0 | ចំនួនចែករំលែក 0

ចន្លោះមិនឃើញ

វាសនាមនុស្សមើលមិនឃើញទេ។ ថ្ងៃនេះសុខមិនប្រាកដថាថ្ងៃក្រោយសប្បាយឡើយ។ មិនខុសអីពីនារីស្រស់ស្អាតជនជាតិចិន Yang Pei ទេ គឺនាងបានជួបគ្រោះអាក្រក់ក្នុងជីវិតតាំងពីនៅតូច។

Yang Pei ក្នុងកម្មវិធីមុនៗ

នៅវ័យ៩ឆ្នាំ ក្មេងស្រី Yang Pei បានទៅលេងម្ដាយ រួចច្រឡំទាញខ្សែភ្លើង ហើយភ្លើងក៏ឆក់រាងកាយនាង។ Pei និយាយទាំងអួលដើមករថា៖ "ខ្ញុំមានអារម្មណ៍ថា បេះដូងរបស់ខ្ញុំដូចត្រូវគេដុត។ ខ្ញុំបាត់បង់ស្មារតី ពេលខ្ញុំដឹងខ្លួនវិញ ខ្ញុំនៅលើដីទៅហើយ។ ម៉ាក់ឱបខ្ញុំយំរហូត"។

ក្នុងគ្រោះថ្នាក់នេះ Pei Pei បានបាត់បង់ដៃទាំងពីរ។ ដោយចង់រស់នៅឯករាជ និងមិនចង់ពិបាកដល់ឪពុកម្ដាយ នាងបានចាកចេញពីខេត្តសានស៊ី មករស់នៅទីក្រុងសៀងហៃ ជាមួយសាច់ញាតិ។

ទោះបីដៃពិការ តែនាងនៅតែក្លាហាន មានគំនិតសុទិដ្ឋិនិយមជានិច្ច។ ពេលសាច់ញាតិយកចិត្តទុកដាក់មើលថែ នាងបដិសេធន៍ និងទទូចចង់ធ្វើអ្វីដោយខ្លួនឯង មិនថាធ្វើម្ហូប បោកខោអាវ ឬការងារផ្សេងៗទេ។

ថ្ងៃមួយនាងបានចូលបង្ហាញសមត្ថភាពដេរប៉ាក់ តាមរយៈការប្រើជើងដ៏ស្ទាត់ជំនាញរបស់នាង ក្នុងកម្មវិធី China Dream Show ។ មនុស្សជាច្រើនបានភ្ញាក់ផ្អើល សប្បាយផង និងយំក្ដុកក្ដួលផង ក្រោយបានដឹងពីប្រវត្តិដ៏កម្សត់របស់នាង។ ក្នុងថ្ងៃអនាគត Pei Pei ចង់បើកហាងដេរប៉ាក់តូចមួយ។