៦យ៉ាងត្រូវប្រយ័ត្ននិងចៀសវាង ពេលផឹកស្រវឹង
- 2016-05-03 21:15:00
- ចំនួនមតិ 0 | ចំនួនចែករំលែក 0
៦យ៉ាងត្រូវប្រយ័ត្ននិងចៀសវាង ពេលផឹកស្រវឹង
ចន្លោះមិនឃើញ
ការទទួលទានគ្រឿងស្រវឹងតែងកើតមានឡើង ពេលជួបជុំកម្មវិធីជប់លៀងក្នុងក្រុមគ្រួសារ ជាមួយបងប្អូន មិត្តភ័ក្ដិ ជាពិសេសៗបុរសៗ ដើម្បីបង្កបរិយាកាសកម្សាន្តរីករាយ ឬបំបាត់ទុក្ខព្រួយអ្វីមួយ។ ពេលរងឥទ្ធិពលពីសុរា មនុស្សមួយចំនួនអាចធ្វេសប្រហែស ឬបង្កកំហុសអ្វីមួយដោយអចេតនា តាមរយៈវិបសាយចំណេះដឹង List Crux បានណែនាំពីរឿងមួយចំនួនដែលគួរចៀសវាងពេលផឹកស្រវឹង៖
១. ជក់បារី
អំឡុងពេលញ៉ាំស្រារហូតដល់ស្រវឹង សម្រាប់អ្នកចេះជក់ប្រហែលជាអាចពិសាបារី ដោយគិតថាជាការកំដរមាត់។ ប៉ុន្តែការឥទ្ធិពលនៃការជក់បារីច្រើនពេលផឹកស្រវឹងស្រា អាចបង្កជាអាការៈវិលមុខក្អួតចង្អោរខ្លាំងបាន។ ករណីមិនអាចអត់បាន អ្នកអាចពិសាវាក្រោយពេលញ៉ាំស្រារួច។
២. រំលងបាយល្ងាច
ក្នុងកម្មវិធីជួបជុំ ពេលញ៉ាំស្រា ប្រាកដជាមានគ្រឿងក្លែមបន្តិចបន្តួច។ ក្រោយទទួលទានភេសជ្ជៈស្រវឹងច្រើននឹងអាចបណ្ដាលឲ្យអ្នកក្អួតចេញមកវិញ ធ្វើឲ្យខ្សោយអស់កម្លាំង ចង់គេងភ្លាមៗដោយមិនញ៉ាំអាហារល្ងាច។ យ៉ាងណាក្ដី រាងកាយរបស់អ្នកពិតជាត្រូវការអាហារសម្រាប់ក្រពះដើម្បីកិនរំលាយនិងផ្ដល់កម្លាំងដល់រាងកាយ។ ដូចនេះអ្នកគួររកអ្វីញ៉ាំទ្រាប់ក្រពះជាជាងគ្មានអ្វីសោះ។
៣. បើកបរ
មនុស្សជាច្រើនប្រាកដជាយល់ដឹងច្បាស់ពីបញ្ហាដែលអាចកើតមានឡើងពេលស្រវឹងរួចបើកបរ។ ពេលស្រវឹងបណ្ដាលឲ្យស្មារតីរបស់អ្នកមិននឹងនក្នុងការបញ្ជាបើកបញ្ជាយានជំនិះដោយខ្លួនឯង ដែលអាចបង្កជាគ្រោះថ្នាក់ដល់ខ្លួន និងអ្នកដទៃ។ សម្រាកឲ្យស្វាងសឹមធ្វើដំណើរ ឬមាននរណាម្នាក់ទុកចិត្តបានអាចបើកបរជូនអ្នកជាជម្រើសល្អបំផុត។
៤. ប្រើពាក្យមិនសមរម្យដាក់នរណាម្នាក់
ពេលស្រវឹង មនុស្សមួយចំនួនអាចមានទម្លាប់ហៅពាក្យមិនសមគួរដាក់ បងប្អូន ឬមិត្តភ័ក្ដិ។ ពាក្យសម្ដីទាំងនោះពេលខ្លះអាចបង្កឲ្យអារម្មណ៍ពួកគេប្រកាន់ខឹង ដែលអាចបង្កជាជម្លោះណាមួយកើតឡើង។ ដូចនេះការកាត់បន្ថយទង្វើមិនល្អនោះ គោរពនិងឲ្យតម្លៃទៅមនុស្សជុំវិញខ្លួន ជារឿងដែលអ្នកគួរពិចារណា។
៥. និយាយរឿងសម្ងាត់
អ្នកមិនអាចគ្រប់គ្រងអារម្មណ៍បានឡើយ ពេលរងឥទ្ធិពលនៃការស្រវឹងខ្លាំង។ រឿងមួយចំនួនដែលមិនគួរធ្វើ មិនគួរនិយាយ អ្នកអាចភ្លាត់ប្រាប់ទៅអ្នកដទៃជាមនុស្សទុកចិត្តមិនបាន ឬប្រព្រឹត្តរឿងឆ្គាំឆ្គងឡើង។ ដូចនេះអ្នកគួរគប្បីប្រុងប្រយ័ត្នដោយខ្លួនឯង កុំឲ្យមានវិប្បដិសារីនៅពេលក្រោយ។
៦. ផឹកបន្ថែម
បុរសៗមួយចំនួនទោះជាខ្លួនស្ថិតក្នុងអាការៈស្រវឹងក៏ដោយ ច្រើនចូលចិត្តប្រជែងគ្នាក្នុងការទទួលទានស្រាក្នុងបរិមាណច្រើនបន្ថែម រហូតក្លាយជាទម្លាប់។ ជាតិអាល់កុលច្រើនបង្កផលប៉ះពាល់ដល់ខួរក្បាល ការគិតពិចារណា ជាពិសេសពេលស្រវឹងខ្លាំងអាចបង្កជាជម្លោះឈានដល់អំពើហិង្សា៕
ចុចអាន៖ ស្រាក្រឡុកថ្លៃបំផុតក្នុងលោក មួយកែវជាង១ម៉ឺន៤ពាន់ដុល្លារ
ប្រែសម្រួល៖ មាន រតនា ប្រភព៖ listcrux
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
