តារាហូលីវូដ Eva Longoria មកក្រេបទឹកឃ្មុំនៅកម្ពុជា ស្រាប់តែមានរឿងភ័ន្តច្រឡំ
- 2016-05-31 21:51:23
- ចំនួនមតិ 0 | ចំនួនចែករំលែក 0
តារាហូលីវូដ Eva Longoria មកក្រេបទឹកឃ្មុំនៅកម្ពុជា ស្រាប់តែមានរឿងភ័ន្តច្រឡំ
ចន្លោះមិនឃើញ
តារាសម្ដែងនិងអ្នកដឹកនាំរឿងអាមេរិក Eva Longoriaនិងស្វាមី José Bastón បានមកក្រេបទឹកឃ្មុំនៅប្រទេសកម្ពុជា បន្ទាប់ពីរៀបមង្គលការកាលពីសប្ដាហ៍មុនដែលរៀបចំនៅប្រទេសម៉ិកស៊ីកូ។
Eva វ័យ៤១បានបង្ហោះរូបជាច្រើនសន្លឹកលើបណ្ដាញសង្គមដែលថតនៅប្រាសាទធំៗរបស់ប្រទេសកម្ពុជាដូចជាប្រាសាទអង្គរវត្តនិងតាព្រហ្ម។ បើតាមរូបមួយសន្លឹកដែល Evaបង្ហោះក្នុង instagramកាលពីម្សិលមិញនៅក្នុងតំបន់ប្រាសាទតាព្រហ្មអាចបញ្ជាក់បានថា នាងទើបតែមកប្រទេសកម្ពុជាថ្មីៗនេះទេ។
ភ្ជាប់ជាមួយរូប Longoria មិនបានសរសេររៀបរាប់និងប្រាប់ពីកន្លែងដែលខ្លួនថតនោះទេ គ្រាន់តែសរសេរ"evalongoria#Honeymoon ❤️❤️❤️” តែប៉ុណ្ណោះ។ Eva Longoria ជាតារាល្បីម្នាក់ដែរនៅអាមេរិក ជាក់ស្ដែងក្នុងមង្គលការ រ៉ូបដែលនាងស្លៀកច្នៃដោយមិត្តភ័ក្ដិជិតស្និទ្ធគឺអ្នកច្នៃម៉ូដល្បី Victoria Beckham ហើយរឿងដែលនាងធ្លាប់សម្ដែងមាន "John Wick”,”Low Riders”និង"Frontera”ជាដើម។
ដោយឡែកមាន Facebook Page ក្លែងក្លាយមួយឈ្មោះថា Eva Longoria - France បានបង្ហោះរូបថតរបស់តារារូបនេះមកលេងនៅតំបន់អង្គរប៉ុន្តែបែរជាសរសេរ Caption ថានៅទីក្រុងបាងកក ប្រទេសថៃទៅវិញ។ គួរបញ្ជាក់ថា Page នេះមិនមែនជា Page ផ្លូវការរបស់ Eva នោះឡើយដោយមុនបង្ហោះរូបនេះ Page នេះមានអ្នក Like មិនបាន ១ពាន់នាក់ទេ ប៉ុន្តែបន្ទាប់ពីមានការ Like និង Share រូបនេះច្រើន ចំនួន Like លើ Page ក៏កើនឡើងយ៉ាងរហ័ស។ Facebook ពិតប្រាកដរបស់តារារូបនេះគឺមានឈ្មោះថា Eva Longoria Baston ដែលមានអ្នក Like ជាង៥លាននាក់ និងមិនមានបង្ហោះរូបថតដំណើរកម្សាន្តរបស់នាងនៅប្រទេសកម្ពុជាឡើយ ៕
ចុចអាន៖Victoria និង David Beckhams កំពុងត្រៀមយកកូនទី៥?
ប្រែសម្រួល៖ ហេង សុធារិទ្ធិ ប្រភព៖ hellomagazine/ IG Eva Longoria