បុរសម្នាក់បានស្លាប់និងបាត់ខ្លួនយ៉ាងអាថ៌កំបាំង បន្ទាប់ពីមើល "The Conjuring 2”

2016-06-20 16:41:52
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យ៦៥ឆ្នាំម្នាក់ ត្រូវបញ្ជូនទៅមន្ទីរពេទ្យជាបន្ទាន់នៅប្រទេសឥណ្ឌា បន្ទាប់ពីបានដួលសន្លប់អំឡុងពេលទស្សនាវគ្គរន្ធត់នៃភាពយន្តខ្មោច "The Conjuring 2”។ នេះបើតាម metro។

បុរសចំណាស់រូបនេះបានទៅមើលរឿងខាងលើនៅក្នុងរោងកុនឈ្មោះ Sri Balasubramaniar រដ្ឋ Tamil Nadu នៃប្រទេសឥណ្ឌាជាមួយមិត្តភ័ក្ដិ។ ដោយសារតែរឿងនេះមានឈុតបន្លាចច្រើន ពេលនោះបុរសដែលមិនបានបង្ហាញអត្តសញ្ញាណមានអាការៈចុកទ្រូង ហើយដួលសន្លប់តែម្ដង។

ភ្លាមៗនោះ បុរសខាងលើត្រូវបានបញ្ជូនទៅមន្ទីរពេទ្យក្នុងរដ្ឋ Tamil Nadu យ៉ាងប្រញាប់ប្រញាល់ ប៉ុន្តែជាអកុសលគេបានបាត់បង់ជីវិតនៅទៅនោះ។ យ៉ាងណាក្ដីរឿងចម្លែកមួយទៀតក៏បានកើតឡើង បន្ទាប់ពីគេនាំសាកសពទៅធ្វើកោសល្យវិច័យ ស្រាប់តែសពរួមទាំងមិត្តភ័ក្ដិដែលទៅជាមួយបានបាត់ខ្លួនយ៉ាងអាថ៌កំបាំង។ យោងតាម Times of India ។

បច្ចុប្បន្ន ប៉ូលិសក្នុងតាមស្វែងរកខ្លួនប្រាណរបស់សពរួមទាំងមិត្តភ័ក្ដិ ហើយពួកគេក៏ព្យាយាមសាកសួរអ្នកបើកឡានក៏ដូចជាម្ចាស់ផ្ទះសំណាក់ផ្សេងៗ ដើម្បីកំណត់ពីអត្តសញ្ញាណបុរសវ័យ៦៥ឆ្នាំដែលបានស្លាប់នេះ៕