ប្រុសៗខ្សឹបពីមូលហេតុសង្វាតតែស៊េរីស្រីស្អាត

2014-10-30 16:33:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីត្បិតគេដឹងជាទូទៅថា បុរស មិនថាសង្ហា ឬមិនសង្ហាទេ ចូលចិត្តស្រលាញ់តែស្រីស្អាត ក្ដី ប៉ុន្តែអ្នកខ្លះមិនទាន់ដឹងពីអារម្មណ៍ពិតរបស់មនុស្សប្រុសនៅ ឡើយទេ។ ហេតុអ្វីប្រុសៗចង់បានតែស្រីស្អាត? បើអីចឹងតោះទៅ ស្ដាប់មូលហេតុរបស់យុវវ័យ ថាម៉េចក៏ប្រុសៗម្នាក់សង្វាតតែស្រីស្អាតខាង?

សភាវគតិរបស់មនុស្ស

និស្សិតសាកល វិទ្យាល័យសុខាភិបាល លោក ហោ ស៊ីវឡុង អាយុ២៤ឆ្នាំ បានសញ្ជឹងគិតបន្តិច ទើបនិយាយថា៖ “វាអាចជាសភាវគតិរបស់មនុស្សប្រុស ដែលចូលចិត្តចង់បានតែរបស់ល្អ។ធម្មតារបស់ល្អតែងតែត្រូវប៉ាន់ មានគេចូលចិត្ត។ តែវាអាចទាក់ទងនឹងអារម្មណ៍ ចំណង់ចំណូលចិត្តរបស់បុរស ដែលធ្វើឲ្យគេពេញចិត្ត [នារីនោះដែរ]“។

ធ្វើឲ្យអារម្មណ៍ល្អ

លោក ភី សុភក្រ្ក និស្សិតនៃសាកលវិទ្យាល័យសុខាភិបាល បានប្រាប់ទាំងសើចថា៖ “ការស្រលាញ់ស្រីស្អាតជាលក្ខណៈពិសេសមួយ ដែលបុរសចង់បាន ព្រោះជួយធ្វើឲ្យអារម្មណ៍ល្អ រីករាយ អាចកាត់បន្ថយស្រ្តេស ពេលនៅក្បែរស្រីស្អាត”។

រូបតំណាង

ធ្វើឲ្យមានមោទនភាព

លោក នួន ចំណាន បុគ្គលិកបម្រើការងារនៅក្រុមហ៊ុនទូរសព្ទចល័តសែលខាតគិតម្យ៉ាងសុខពី គេ។ លោកមានទស្សនៈផ្សិងថា៖ “មានសង្សារជាស្រីស្អាតនាំឲ្យយើងសប្បាយចិត្ត មានមោទនភាពដែរហ្នឹង ព្រោះពេលបណ្ដើរគ្នាទៅណាមកណា គេសរសើរថា យី! ឡូយម្ល៉េះ មានសង្សារស្អាត។ ដល់អីចឹង ចង់ឲ្យមានគេសរសើរពេលបណ្ដើរគ្នា ចង់បង្អួតគ្នាផង តែក៏អាស្រ័យលើទឹកចិត្តស្រលាញ់គ្នាផងដែរ”។

បង្ហាញថាខ្លួនមានកែវភ្នែកល្អ

ចំណែកលោក សាន សុផាត និស្សិតសាកលវិទ្យាល័យជាតិគ្រប់គ្រង ជំនាញធនាគារ ឆ្នាំទី១ ប្រាប់ថា៖ “ស្រីស្អាតមិនត្រឹមតែជួយលើកមុខមាត់ កិត្តិយសបុរសពេលដើរទៅណាមកណានោះទេ តែថែមទាំងធ្វើឲ្យអ្នកដទៃពោលសរសើរយើងវិញថា ចេះមានកែវភ្នែកល្អ រកបានសង្សារស្អាត”។