បងប្អូន២នាក់ត្រូវប៉ូលិសចាប់ខ្លួន ក្រោយលាក់លុយក្នុងធុង២៤លានដុល្លារ
- 2016-07-02 00:21:03
- ចំនួនមតិ 0 | ចំនួនចែករំលែក 0
បងប្អូន២នាក់ត្រូវប៉ូលិសចាប់ខ្លួន ក្រោយលាក់លុយក្នុងធុង២៤លានដុល្លារ
ចន្លោះមិនឃើញ
បងប្អូនប្រុសស្រី ២នាក់ ត្រូវបានចាប់ខ្លួន ក្រោយប៉ូលិសអាមេរិករកឃើញ និងរឹបអូសលុយប្រមាណ ២៤លានដុល្លារ រួមទាំងគ្រឿងញៀនមួយចំនួនទៀតក្នុងផ្ទះ នៅទីក្រុង Miami រដ្ឋ Florida។
លោក Luis អាយុ ៤៤ឆ្នាំ និងនាង Salma អាយុ ៣២ឆ្នាំ ត្រូវបានបញ្ជូនទៅកាន់ពន្ធនាគារកាលពីថ្ងៃពុធ បន្ទាប់ពីប៉ូលិសរកឃើញក្រដាសប្រាក់ដុល្លារដ៏ច្រើនសម្បើមក្នុងផ្ទះស្នាក់នៅ។
លុយទាំងនេះ ត្រូវគេជឿថាបានមកពីការជួញដូរកញ្ឆា ដោយរៀបក្រដាស១០០ដុល្លារជាគីបៗ ដាក់ក្នុងធុងប្លាស្ទិកពណ៌ទឹកក្រូចត្រួតលើគ្នា។
ពួកគេបានលាក់លុយទាំងនេះក្នុងបន្ទប់សម្ងាត់ ដោយមានគ្រឿងញៀន កាំភ្លើង និងលុយដុល្លារ។ ប៉ូលិសនិយាយថា នេះជាការឆ្មក់ចាប់មេខ្លោងគ្រឿងញៀនទ្រង់ទ្រាយធំបំផុតមិនធ្លាប់មានក្នុងប្រវត្តិសាស្ត្រ។
ទោះបីជារកឃើញដូចខាងលើ មេធាវីការពារជនសង្ស័យលោក Frank Gaviria ទទូចថា កូនក្ដីរបស់ខ្លួនបានបើកជំនួញរកស៊ីស្របច្បាប់ត្រឹមត្រូវ។ ចំណែករឿងក្ដីចោទប្រកាន់ ពេលនេះកំពុងស្ថិតក្រោមការស៊ើបអង្កេតយ៉ាងល្អិតល្អន់បំផុត៕
ចុចអាន៖ តារាម៉ូដែលសិចស៊ីថៃម្នាក់ត្រូវប៉ូលិសឃាត់ខ្លួនរឿងប្រើប្រាស់និងលក់គ្រឿងញៀន
ចុចអាន៖ ឥណ្ឌូណេស៊ី គ្រោងដាក់ក្រពើកាចៗ យាមគុកដាក់អ្នកទោសគ្រឿងញៀន
ប្រែសម្រួល៖ ឡេង ភារុណ ប្រភព៖ Miamiherald