លោកតាសុខចិត្តទូលសេរ៉ូមតាមខ្លួន ដើម្បីយកប្រពន្ធពិការទៅជាមួយ
- 2016-07-14 18:37:52
- ចំនួនមតិ 0 | ចំនួនចែករំលែក 0
លោកតាសុខចិត្តទូលសេរ៉ូមតាមខ្លួន ដើម្បីយកប្រពន្ធពិការទៅជាមួយ
ចន្លោះមិនឃើញ
លោកតាម្នាក់រស់នៅទីក្រុងឆុងឈីង ភាគនិរតីប្រទេសចិន បានធ្វើឲ្យអ្នកដំណើរងឿងឆ្ងល់ និងភ្ញាក់ផ្អើលពីវិធីថ្មីក្នុងការព្យួរសេរ៉ូមខ្លួនឯង ពេលនាំប្រពន្ធពិការដើរចេញទៅក្រៅ។
លោកតាមានឈ្មោះ Yang Duxue អាយុ ៦៥ឆ្នាំបានរៀបការជាមួយប្រពន្ធ គឺលោកយាយ Wan Qijia រយៈពេលជាង ៤៤ឆ្នាំហើយ។ តែជាអកុសល លោកយាយបានដួលសន្លប់កាលឆ្នាំ ២០០៤ ដោយសារជំងឺលើសឈាម។ ទោះបីជាគ្រូពេទ្យ បានជួយសង្គ្រោះជីវិតទាន់ពេលវេលា តែគាត់បានធ្លាក់ខ្លួនពិការមួយចំហៀងខ្លួន និងមិនអាចនិយាយបានថែមទៀត។
ចាប់តាំងពីពេលនោះមក លោកតា Yang ត្រូវទទួលបន្ទុកមើលថែយាយតែម្នាក់ឯងគត់។ ក្រោយមកតាបានកើតជំងឺចុកឆ្អឹងខ្នងថែមទៀត ដោយត្រូវព្យួរសេរ៉ូមតាមខ្លួន ដើម្បីកាត់បន្ថយភាពចុកចាប់។ លោកតា Yang Duxue បន្តថា ពេលធ្វើដំណើរទៅណាមកណា គាត់កម្រទៅម្នាក់ឯងណាស់ គឺត្រូវយកយាយទៅជាមួយ ទោះជាខ្លួនត្រូវព្យួរសេរ៉ូមតាមខ្លួនក៏ដោយ។ ពិសេសពេលបរិភោគអាហារ ចូលបន្ទប់ទឹក ឬធ្វើលំហាត់ប្រាណ។
រូបថតរបស់អ្នកទាំងពីរ ត្រូវបានបង្ហោះលើអ៊ីនធឺណិត និងទទួលការកោតសរសើរយ៉ាងច្រើនពីប្រជាជនចិន ហើយចាត់ទុកលោកតាជាប្ដីដ៏ល្អ និងចេះទទួលខុសត្រូវ ទោះខ្លួនកំពុងឈឺក៏ដោយ៕
ចុចអាន៖ និស្សិតរូបស្រស់ ស្ម័គ្រចិត្តរៀបការជាមួយបុរសពិការស្គាល់តាម WeChat
ចុចអាន៖ កុមារពិការជើង ក្លាយជាទីចាប់អារម្មណ៍លើបណ្ដាញសង្គម
ប្រែសម្រួល៖ ឡេង ភារុណ ប្រភព៖ China Plus News