ការសិក្សា៖រញ្ជួយដីដ៏ខ្លាំងសម្បើមអាចកើតឡើងនៅបង់ក្លាដេស និងឥណ្ឌា
- 2016-07-14 22:37:00
- ចំនួនមតិ 0 | ចំនួនចែករំលែក 0
ការសិក្សា៖រញ្ជួយដីដ៏ខ្លាំងសម្បើមអាចកើតឡើងនៅបង់ក្លាដេស និងឥណ្ឌា
ចន្លោះមិនឃើញ
ការសិក្សាថ្មី មួយបានរកឃើញថាគ្រោះរញ្ជួយដីដ៏មហិមា នៅប្រទេសបង់ក្លាដេស និងឥណ្ឌា អាចនឹងធ្វើឲ្យប៉ះពាល់ដល់មនុស្សជាង ១៤០លាននាក់នាពេលខាងមុខ។
ក្រុមអ្នកវិទ្យាសាស្ត្រ បាននិយាយថា ពួកគេបានរកឃើញភស្តុតាងថ្មីៗមួយចំនួន គឺមានស្រទាប់ចលនាតិចតូនិកចំនួនពីរ កំពុងស្ថិតក្រោមដីសណ្ដទន្លេដ៏ធំ Ganges និង Brahmaputra ។ ក្នុងនោះប្រជាជនជាង ១៤០លាននាក់ អាចនឹងទទួលផលប៉ះពាល់ ប្រសិនបើព្រំប្រទល់នៃចលនាទាំងពីរធ្លុះធ្លាយ ដែលបង្កជាទឹកជំនន់ដ៏ខ្លាំងសម្បើម ហើយចូលវាយលុកក្នុងតំបន់មានប្រជាជនរស់នៅច្រើន។
ក្រុមអ្នកជំនាញដដែលប៉ាន់ស្មានថា ស្រទាប់នេះកកើតឡើងដោយដុំថ្ម និងមានអាយុកាលយ៉ាងតិច៤០០ឆ្នាំ ដែលអាចបង្កើតកម្លាំងរញ្ជួយដល់ទៅ ៩ រិចទ័រ ក្រោមស្រទាប់ផែនដីក្នុងប្រទេសបង់ក្លាដេស និងមាត់មហាសមុទ្រឥណ្ឌា។
ចំណែកក្រុមអ្នកស្រាវជ្រាវរូបរាង និងទំនាញផែនដីអាមេរិក បានគូសបញ្ជាក់ថា តំបន់មួយស្ថិតក្រោមឧបទ្វីបឥណ្ឌាមានចលនាតិចតូនិកកំពុងរំកិលខ្លួនបន្តិចម្ដងៗ ទៅកាន់តំបន់មួយផ្សេងទៀតត្រូវគេហៅថា "Subduction Zone” ដែលវាបង្កគ្រោះថ្នាក់ធ្ងន់ធ្ងរដល់មនុស្ស ដូចកាលរញ្ជួយដីលើកមុននៅប្រទេសនេប៉ាល់ រំកិលជួរភ្នំហិមាល័យដែរ។ ទោះជាយ៉ាងណា ក្រុមអ្នកជំនាញខាងលើ មិនអាចកំណត់ថាវាកើតឡើងពេលណាជាក់ច្បាស់ទេ ឬអាច៥០០ឆ្នាំទៀត៕
ប្រែសម្រួល៖ ឡេង ភារុណ ប្រភព៖ Indianexpress
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
