រឿងអស់សំណើច! ជនជាតិចិន ធ្វើបាតុកម្មពីមុខហាង Apple ក្លែងក្លាយ

2016-07-23 18:05:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃអង្គារកន្លងទៅ ហ្វូងអ្នកតវ៉ាប្រមាណ ៣ ០០០ នាក់ ដែលជាជនជាតិបានប្រមូលផ្ដុំគ្នាពីមុខហាង Apple នៅខេត្ត Jiangsu ដោយបានប្រកាសក្ដែងៗថា "ធ្វើពហិការចំពោះផលិតផលអាមេរិក! បណ្ដេញ Apple ចេញពីប្រទេសចិន"។

តែការតវ៉ាប្រឆាំងនេះ បានក្លាយជារឿងដ៏គួរឲ្យអស់សំណើច ព្រោះថាហាង Apple ដែលពួកគេកំពុងតវ៉ាប្រឆាំងនៅពីមុខនោះ គឺជាហាង Apple ក្លែងក្លាយ។ អ្នកលេងបណ្ដាញអ៊ីនធឺណិតមួយចំនួន បានហៅសកម្មភាពនេះថា៖ "ការតវ៉ាប្រឆាំងដើម្បីបណ្ដេញហាង Apple ក្លែងក្លាយចេញពីប្រទេសចិន"។

បច្ចុប្បន្នក្រុមហ៊ុន Apple មានហាងលក់ផលិតផលតែ ៣៦ កន្លែងប៉ុណ្ណោះនៅទូទាំងប្រទេសចិន ហើយហាងខាងលើនេះ មិនមែនជាកម្មសិទ្ធិរបស់ Apple ឡើយ។ ប្រសិនបើហ្វូងអ្នកតវ៉ាទាំងនោះចង់បញ្ចេញកំហឹងលើហាង Apple ពិតប្រាកដ ពួកគេត្រូវធ្វើដំណើរឆ្ងាយទៅកាន់ក្រុងសៀងហៃ ដែលហាង Apple ពិតមានរូបរាងដូចខាងក្រោម៖

រំលឹកថា ចាប់តាំងពីតុលាការក្រុងឡាអេ កាត់ក្ដីឲ្យចិនចាញ់លើរឿងក្ដីសមុទ្រចិនខាងត្បូងរួចមក មានប្រជាជនចិនជាច្រើន បានសម្ដែងការមិនចេញចិត្តចំពោះអាមេរិក ដោយពួកគេយល់ថា អាមេរិកជាអ្នកជះឥទ្ធិពលដល់ការសម្រេចចិត្តរបស់តុលាការ៕

ចុចអាន៖ ក្រុមហ៊ុនចិនហាមបុគ្គលិកមិនឲ្យប្រើ iPhone ក្រោយចាញ់ក្ដីសមុទ្រចិនខាងត្បូង

ប្រែសម្រួល៖ ហៃ សុខហេង ប្រភព៖ shanghaiist