បងប្រុសរបស់ត្រចៀកកាំគឺជាកំពូលមហាសេដ្ឋីនៅខេត្ត Anhui ប្រទេសចិន

2016-10-13 20:43:19
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សជាច្រើនដឹងថាតារាសម្ដែងជួរមុខ Zhao Wei គឺជាអ្នកមានតែពួកគេមិនបានដឹងនោះឡើយថាបងប្រុសរបស់នាងក៏មានទ្រព្យសម្បត្តិហូរហៀរមិនធម្មតាដែរ។

Zhao Wei និងបងប្រុស

តារាសម្ដែងលំដាប់A Zhao Wei មានកេរ្តិ៍ឈ្មោះបោះសំឡេង និងទ្រព្យសម្បត្តិហូរហៀរអ្នកណាក៏ដឹង។ យ៉ាងណាក៏ដោយ មានមនុស្សមិនច្រើនទេដែលដឹងថា Zhao Jian បងប្រុសរបស់នាងក៏មានមិនចាញ់ប្អូនស្រីនោះឡើយ។

នៅក្នុងខេត្ត Anhui បើបងប្រុសរបស់ត្រចៀកកាំថាខ្លួនឯងមានលេខ២ គ្មានអ្នកណាហ៊ាននិយាយថាខ្លួនមានទី១នោះឡើយ។ ជាច្រើនលើកច្រើនសា Zhao Jian តែងត្រូវគេចុះផ្សាយថាជាមិត្តប្រុសមហាសេដ្ឋីរបស់តួរឿង "ព្រះនាងយេយេ"។ ដោយសារកេរ្តិ៍ឈ្មោះល្បីល្បាញរបស់ប្អូនស្រី ជំនួញរបស់ Zhao Jian ត្រូវបានប្រកបយ៉ាងងាយស្រួល។ លោកមាន showroom លក់រថយន្តជាច្រើនកន្លែង។

showroom លក់រថយន្តរបស់ Zhao Jian

មុននេះប៉ុន្មានថ្ងៃ មហាសេដ្ឋីខាងលើទើបតែបើកសាខាលក់រថយន្តលំដាប់អន្តរជាតិថ្មីមួយទៀតនៅខេត Wuho។ លោកបានអញ្ជើញគ្រប់ថ្នាក់ដឹកនាំមកទាំងអស់មកចូលរួម ហើយវត្តមានរបស់ត្រចៀកាំក៏មិនអាចខ្វះបានដែរ។ "បើសិនជា Zhao Wei មានលុយរាប់លានដុល្លារ បងប្រុស និងម្ដាយរបស់នាងក៏មានទ្រព្យសម្បត្តិប្រហាក់ប្រហែលហ្នឹងដែរ។ នៅប្រទេសចិន ត្រកូលZhao កាន់តែរុងរឿងឡើង"។ ប្រភពមួយឲ្យដឹង។