ឪពុកគម្រក់ រំលោភកូនស្រីម្ដងហើយម្ដងទៀត ត្រូវជាប់គុក ១៥០៣ឆ្នាំ
- 2016-10-24 21:18:03
- ចំនួនមតិ 0 | ចំនួនចែករំលែក 0
ឪពុកគម្រក់ រំលោភកូនស្រីម្ដងហើយម្ដងទៀត ត្រូវជាប់គុក ១៥០៣ឆ្នាំ
ចន្លោះមិនឃើញ
បុរសជាឪពុកម្នាក់ មានឈ្មោះថា Rene Lopez ត្រូវបានតុលាការផ្ដន្ទាទោសឲ្យជាប់គុក រយៈពេល ១ ៥០៣ឆ្នាំ បន្ទាប់ពីបានចាប់រំលោភកូនស្រីជំទង់ខ្លួន ជាច្រើនលើកច្រើនសា អស់រយៈពេលជាង ៤ឆ្នាំកន្លងមកនេះ។
Rene Lopez
បុរសវ័យ ៤១ឆ្នាំ ខាងលើនេះ ត្រូវបានកាត់ទោសឲ្យជាប់គុក យូរបំផុតក្នុងប្រវត្តិសាស្ត្រ របស់តុលាការ Fresno Superior Court ដែលស្ថិតក្នុងរដ្ឋ California សហរដ្ឋអាមេរិក។ គណៈវិនិច្ឆ័យ បានរកឃើញថា Lopez ជាប់ទោសចំនួន ១៨៦ករណី នៃបទល្មើសផ្លូវភេទ ដោយក្នុងនោះរួមមានទាំង ការចាប់រំលោភអនីតិជន រាប់សិបករណីផងដែរ។
ព្រះរាជអាជ្ញាបាននិយាយថា ជនរងគ្រោះត្រូវបានគេចាប់រំលោភ ពី ២ ទៅ ៣ ដង ក្នុងមួយសប្ដាហ៍ ចាប់តាំងពីខែឧសភា ឆ្នាំ២០០៩ ដល់ ខែឧសភា ឆ្នាំ២០១៣ នៅពេលដែលជនរងគ្រោះ មានភាពក្លាហាន ក្នុងការរត់គេចពីឪពុកដ៏គម្រក់នោះ៕
ប្រែសម្រួល ៖ សេង ឡុង ប្រភព ៖ metro