អាស៊ាន នឹងក្លាយជាសមរភូមិរវាង Alibaba និងAmazon
- 2016-11-07 21:05:35
- ចំនួនមតិ 0 | ចំនួនចែករំលែក 0
អាស៊ាន នឹងក្លាយជាសមរភូមិរវាង Alibaba និងAmazon
ចន្លោះមិនឃើញ
ក្រោយពី Amazon ប្រកាសបោះជំហានចូលទីផ្សារអាស៊ាននាឆ្នាំ ២០១៧ អ្នកវិភាគទីផ្សារបង្ហាញថា តំបន់នេះនឹងក្លាយជាសមរភូមិដ៏ធំរវាង Alibaba និង Amazon។
លោក Jack Ma ស្ថាបនិក Alibaba (ឆ្វេង) និងលោក Jeff Bezos ស្ថាបនិក Amazon (ស្តាំ)
ក្រុមហ៊ុនលក់ទំនិញតាមអ៊ីនធឺណិតយក្សទាំងពីរនេះធ្លាប់ប៉ះគ្នារួចមកហើយក្នុងទីផ្សារប្រទេសចិន និងឥណ្ឌា ខណៈការលក់របស់ Amazon ដែលមកក្រោយ Alibaba ទទួលបានជោគជ័យយ៉ាងខ្លាំង។
ដោយឡែកអ្នកវិភាគជាច្រើនលើកឡើងថា ការបោះជំហានចូលអាស៊ានសម្រាប់ Amazon គឺអាចមានហានិភ័យច្រើនជាងទីផ្សារចិន និងឥណ្ឌា ព្រោះបច្ចុប្បន្នក្នុងចំណោមប្រជាជនជាង ៦០០ លាននាក់របស់អាស៊ាន គឺមានតែ ៥% ប៉ុណ្ណោះដែលប្រើប្រាស់សេវាកម្មទិញទំនិញតាមអ៊ីនធឺណិត។
ក្រឡេកមើលប្រទេសថៃបច្ចុប្បន្នគឺមាន Lazada ដែលផ្ដល់សេវាដូច Amazon, Singpost ភ្នាក់ងារដឹកជញ្ជូនធំបំផុតក្នុងសិង្ហបុរី និង Ascend Money ផ្ដល់សេវាទូទាត់ប្រាក់តាមអ៊ីនធឺណិតក្នុងប្រទេស ថៃ មីយ៉ាន់ម៉ា វៀតណាម កម្ពុជា ឥណ្ឌូណេស៊ី និងហ្វីលីពីន ខណៈក្រុមហ៊ុនទាំងនេះជាបុត្រសម្ព័ន្ធរបស់ Alibaba Group៕
អានបន្ត ៖ Amazon នឹងដំណើរការលក់ទំនិញក្នុងអាស៊ាន ដើមឆ្នាំ ២០១៧ អានបន្ត ៖ សៀវភៅ ៥ក្បាល ដែល Bill Gates ចង់ឲ្យសហគ្រិនអាន
ប្រែសម្រួល ៖ រដ្ឋ ប្រភព ៖ techinasia