ចំណាយលុយ ជិត៤ម៉ឺនដុល្លារ វះកាត់មុខឡើងដូចខ្មោច
- 2016-12-09 03:06:33
- ចំនួនមតិ 0 | ចំនួនចែករំលែក 0
ចំណាយលុយ ជិត៤ម៉ឺនដុល្លារ វះកាត់មុខឡើងដូចខ្មោច
ចន្លោះមិនឃើញ
បុរសជនជាតិវេណេហ្ស៊ុយអេឡាម្នាក់ មកពីរាជធានីការ៉ាកាស (Caracas) មានឈ្មោះថា Henry Rodriguez បានចំណាយលុយ ៣០ ០០០ផោន (ជិត៤ម៉ឺនដុល្លារ) និងឆ្លងកាត់ការវះកាត់ផ្ទៃមុខ ជាច្រើនដំណាក់កាល អស់រយៈពេលជាច្រើនឆ្នាំ រហូតដល់បានមុខមាត់ដូចតួអង្គ Red Skull ក្នុងរឿង «Captain America»។
បុរសវ័យ៣៧ឆ្នាំខាងលើ ដំបូងឡើយបានសាក់ភ្នែករបស់ខ្លួនពណ៌ខ្មៅ និងចាក់បញ្ចូលសារធាតុម្យ៉ាងទៅក្នុងក្បាល ដើម្បីទទួលបានដុំពក ហើយបានឆ្លងកាត់ ការវះកាត់ដ៏ឈឺចាប់មួយ ដើម្បីយកផ្នែកនៃច្រមុះចេញ ព្រោះតែចង់បានមុខមាត់ដូចតួចអង្គ Red Skull នោះ។
លោក Henry បាននិយាយថា «វាមិនងាយស្រួលទេសម្រាប់គ្រួសាររបស់ខ្ញុំ ក្នុងការទទួលយករបៀបរស់នៅរបស់ខ្ញុំ ប៉ុន្តែទោះជាយ៉ាងនេះក្តី ពួកគេនៅតែជាគ្រួសាររបស់ខ្ញុំ។ កូនប្រុសរបស់ខ្ញុំ Aaron Rodrigo មានអាយុ៣ឆ្នាំ។ ប្រសិនបើគេទទួលយក និងស្រលាញ់ខ្ញុំ ខ្ញុំនឹងមិនខ្វល់ពីសម្តីរបស់អ្នកដទៃឡើយ»៕