ម៉ា ច័ន្ទបញ្ញា តារាចម្រៀងវ័យក្មេងកម្ពុជា ឈ្នះពាននៅ ចិន

2014-11-06 16:20:32
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជនវ័យក្មេងកម្ពុជា ម៉ា ច័ន្ទបញ្ញា បានក្លាយជាជយលាភីក្នុងកម្មវិធី Fashion Asia Award 2014 នៅប្រទេសចិន ម្សិលមិញ។

ពានដែលតារាចម្រៀងវ័យក្មេងរូបនេះទទួលបានពីកម្មវិធីខាងលើមានឈ្មោះថា Asia Top Fashionable Singer Of The Year។

មុននឹងក្លាយជាម្ចាស់ពានក្នុងកម្មវិធីនេះយុវជន ម៉ា ច័ន្ទបញ្ញា បានឆ្លងកាត់ការប្រកួតប្រជែងសមត្ថភាពជាមួយនឹងបេក្ខភាព ៤រូបទៀតមកពីទីក្រុង និងប្រទេសក្នុងទ្វីបអាស៊ី មានដូចជា ម៉ាឡេស៊ី តៃវ៉ាន់ ម៉ុងហ្គោលី និង ម៉ាកាវ។

ម៉ា ច័ន្ទបញ្ញា បង្ហាញទង់ជាតិ កម្ពុជា ក្រោយទទួលជយលាភី

ម៉ា ច័ន្ទបញ្ញា បានប្រាប់ Sabay មុនចេញទៅប្រកួតប្រជែងសមត្ថភាពនៅប្រទេសចិន ថា លោកមានអារម្មណ៍សប្បាយចិត្តនៅពេលក្លាយជាបេក្ខភាពមួយរូបក្នុងចំណោមបេក្ខភាពទាំង៥ ក្នុងកម្មវិធី Fashion Asia Award 2014។

បើទោះជាជាប់ឬធ្លាក់លោកមិនមានការអាក់អន់ស្រពន់ចិត្តអ្វីឡើយ ក៏ប៉ុន្តែលោកកាន់តែមានមោទនភាពចំពោះខ្លួន ដោយបានក្លាយជាតំណាងប្រទេស កម្ពុជាក្នុងកម្មវិធីធំដូច្នេះ។ ជាលទ្ធផលតារាចម្រៀងវ័យក្មេងខាងលើបានក្លាយជាជយលាភីដូចអ្វីដែលលោកបានតាំងចិត្តយូរមកហើយ។

ក្រោយពីត្រឡប់មកពីប្រកួតប្រជែងនៅប្រទេស ចិនវិញ ម៉ា ច័ន្ទបញ្ញា នឹងទៅទទួលពានមួយទៀតជាអ្នកនិពន្ធវ័យក្មេងពីព្រះមហាក្សត្រីនៅប្រទេស ថៃ។ ក៏ប៉ុន្តែលោកមិនទាន់ច្បាស់ពីកាលបរិច្ឆេទជាក់លាក់នៅឡើយទេ ដោយកម្មវិធីមិនទាន់ផ្ដល់ដំណឹងមក។

យុវជន ម៉ា ច័ន្ទបញ្ហា ជាតារាចម្រៀង អ្នកនិពន្ធបទភ្លេង និងទំនុកច្រៀងវ័យក្មេងល្បីឈ្មោះក្នុងបណ្ដាញសង្គម Facebook និង youtube ។ មកទល់នឹងពេលនេះលោកមានវ័យ ២២ឆ្នាំ ហើយផលិតបទចម្រៀងជាស្នាដៃនិពន្ធផ្ទាល់ខ្លួនបានជាង ៤០បទ។

បទចម្រៀងជាការនិពន្ធផ្ទាល់ដៃរបស់លោកដែលទទួលការចាប់អារម្មណ៍បានការគាំទ្រខ្លាំងពីមហាជនមានដូចជា បទ"មនុស្សស្មោះ មិនអស់សង្ឃឹម" និងបទ "តំណក់ភ្លៀងសាយណ្ហ"។

មុននឹងចេញទៅប្រកួតលើឆាកអន្តជាតិ ម៉ា ច័ន្ទបញ្ញា និយាយពីការតាំងចិត្តថា៖"ខ្ញុំតាំងចិត្តពីតូចមកម្ល៉េះថាថ្ងៃណាមួយ ខ្ញុំនឹងនាំសិល្បៈខ្មែរទៅឆាកអន្តជាតិ ទោះជាលំបាកបែបណាក៏ដោយ"៕ អានអត្ថបទបន្ត៖ ម៉ា ច័ន្ទបញ្ញា តារាចម្រៀងវ័យក្មេងកម្ពុជាជាប់បេក្ខភាព ៥នាក់ចុងក្រោយ Fashion Asia Award នៅចិន អានអត្ថបទបន្ត៖ មាស សុខសោភា ឧបត្ថម្ភ ប្រាក់ ១លានរៀលដល់ទូកបីមកពី http://youtu.be/QjTnu1cw88s អត្ថបទ៖ អ៊ីង សុឡា