ប្រិយមិត្តអស់សំណើច ពេលរកឃើញ កំហុសបច្ចេកទេសក្នុងភាពយន្តខ្មែរមួយរឿង!
- 2017-01-19 03:44:46
- ចំនួនមតិ 0 | ចំនួនចែករំលែក 0
ប្រិយមិត្តអស់សំណើច ពេលរកឃើញ កំហុសបច្ចេកទេសក្នុងភាពយន្តខ្មែរមួយរឿង!
ចន្លោះមិនឃើញ
កាលពីយប់មិញនេះ រឿងផ្ទុះសំណើចមួយ បានកើតឡើងនៅលើបណ្ដាញសង្គម ហ្វេសប៊ុក ដោយមានផេក Troll ល្បីមួយបានថតយកសកម្មភាពក្នុងរឿង "ភក្ដីស្នេហ៍ទ្វេភព" ដែលមានកំហុសបច្ចេកទេសដែលធ្វើឲ្យមានគេចែករំលែកពីមួយទៅមួយ។
កំហុសបច្ចេកទេសដែលបានកើតឡើងដោយអចេតនានោះ គឺនៅក្នុងសាច់រឿង "ភក្ដីស្នេហ៍ទ្វេភព" ដែលជាប្រភេទរឿងបុរាណនិយាយពីស្នេហាទុំទាវ សម័យលង្វែក។ ប៉ុន្តែអ្វីដែលធ្វើឲ្យអ្នកគាំទ្រទប់សំណើចមិនបាននោះគឺ ក្នុងផ្ទះនាងទាវមាន ព្រីភ្លើង ព្រោះសម័យលង្វែកប្រជាជនខ្មែរពុំទាន់មានអគ្គិសនីប្រើប្រាស់នៅឡើយ។
អ្នកស្រី ទូច បុប្ផា ប្រធានគ្រប់គ្រងការផលិតរបស់ស្ថានីយទូរទស្សន៍ PNN បានលើកឡើងថា វាជាកំហុសបច្ចេកទេសព្រោះរឿងនេះគឺថតក្នុងឆ្នាំ ២០១៦ ដូច្នេះហើយវាអាចនឹងខ្វះចន្លោះបន្ទិច។ "យប់មិញហ្នឹងខ្ញុំបានឃើញ និងអស់សំណើចដែរ ឥឡូវកំពុងឲ្យក្រុមការងារពិនិត្យ និងព្យាយាមកែតម្រូវបញ្ហានេះឡើងវិញ" អ្នកស្រីបន្ថែម។
សម្រាប់កំហុសអចេតនាបែបនេះ តែងតែកើតឡើងជារឿយមិនថាខ្មែរ ឬបរទេសឡើយ ជាក់ស្ដែងភាពយន្តភាគបុរាណចិនតែម្ដងគឺថតជាប់ ម៉ាស៊ីនត្រជាក់ និង វារីអគ្គិសនី ជាដើម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
