បែកធ្លាយវីដេអូពិតរបស់អង្គរក្ស ត្រាំ ក្រោយល្បីថាប្រើដៃក្លែងក្លាយ

2017-01-23 05:01:50
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗកន្លងទៅនេះ ខ្សែវីដេអូឃ្លិប និងរូបថតជាច្រើនសន្លឹក បានបង្ហាញឲ្យឃើញ អង្គរក្សរបស់ប្រធានាធិបតីអាមេរិកថ្មី លោក ដូណាល់ ត្រាំ ដែលជាភ្នាក់ងារសម្ងាត់ មានរូបរាងស្ទើរតែដូចបេះបិត ជាមួយតួអង្គក្នុងខ្សែភាពយន្ត «Hitman Agent 47» ហាក់បីដូចជាមានដៃរឹងខ្លាំង និងដាក់នៅទីតាំងដដែល ទោះបីជាដើរអស់រយៈពេលជាច្រើនម៉ោង។

ដោយសារតែមូលហេតុនេះ ធ្វើឲ្យមនុស្សជាច្រើនសន្និដ្ឋានថា ដៃនោះគឺជាដៃក្លែងក្លាយ។

ផ្ទុយទៅវិញ ពាក្យចចាមអារ៉ាមដែលនិយាយថា អង្គរក្សលោក ត្រាំ ប្រើប្រាស់ដៃក្លែងក្លាយ ដើម្បីបន្លំភ្នែកជនខិលខូច និងបង្កឲ្យមានមន្ទិលសង្ស័យជាច្រើននោះ ត្រូវបានគេហទំព័របរទេសទម្លាយឲ្យដឹងពីការពិត និងចាត់ទុកវាថាជា «ការយល់ខុសទាំងស្រុង»។

គេហទំព័របរទេស មានឈ្មោះថា Madworldnews បានបង្ហាញនូវវីដេអូឃ្លិបជាភស្តុតាង ដែលអាចសន្មតថា អង្គរក្សរូបនោះ មិនបានប្រើប្រាស់ដៃក្លែងក្លាយ ដូចពាក្យចចាមអារ៉ាម និង ការសង្ស័យឡើយ។

No, his arms weren't fake. pic.twitter.com/zR2xK2ZMoJ
— God Guns Guts Glory (@The4GNet) January 22, 2017

បើតាមខ្សែវីដេអូខាងលើ យើងពិតជាអាចមើលឃើញថា អង្គរក្ស លោក ត្រាំ ដាក់ដៃរឹងថ្កល់មួយកន្លែងពិតមែន ប៉ុន្តែមួយរំពេចក្រោយមកបានកម្រើកបន្តិច ដែលអាចបញ្ជាក់ថា មិនមែនជាដៃក្លែងក្លាយឡើយ៕

ប្រភព៖ Madworldnews ប្រែសម្រួល៖ សេង ឡុង