ពេជ្រ ថាណា ជាប់ចំណង៤ប្រការទើបអត់ផ្ទះនៅ

2017-02-22 02:02:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាពេលនេះ ពេជ្រ ថាណា បានបោះជំហានចូលប្រឡូកសិល្បៈអស់រយៈពេល ៦ ឆ្នាំ ទៅហើយក្ដី តែលោកមិនទាន់មាន លំនៅស្ថាន ផ្ទាល់ខ្លួននៅឡើយទេ។ រាល់ថវិកាដែលបានមកពីច្រៀងខនសឺត លោកត្រូវយកទៅផ្គត់ផ្គង់ការរៀនសូត្រក្មួយៗចំនួន៤នាក់។

ម្ចាស់បទ "ព្រោះបងអស់ចិត្តឬទើបអូននឹកគេ" រៀបរាប់ថាលោកមានគម្រោងទិញផ្ទះយូរហើយតែមិនទាន់បានទិញ មកពីថវិកាមិនទាន់គ្រប់ ម្យ៉ាងទៀតត្រូវជួយសម្រួលបន្ទុកគ្រួសារនៅខេត្ត ជាពិសេសជួយបង់ថ្លៃសិក្សាក្មួយប្រុសទាំង៤កំពុងតែរៀនថ្នាក់អនុវិទ្យាល័យ។ អ្នកទាំង៤មានការងារគ្រប់គ្នាពេលណា ទើបចំណងរបស់តារាចម្រៀងរូបនេះរួចរាល់។ នៅឆ្នាំ២០១៧នេះដែរលោកកំពុងតែសន្សំលុយជិតគ្រប់ហើយដើម្បីទិញផ្ទះនៅឆ្នាំ ២០១៨ ខាងមុខ។

តារាចម្រៀងមកពីខេត្តបន្ទាយមានជ័យរូបនេះថ្លែងថា៖ "បាទបងសព្វថ្ងៃនេះខ្ញុំជួលផ្ទះគេស្នាក់នៅ ជាមួយក្មួយប្រុស៤ នាក់ ផ្ទះហ្នឹងខ្ញុំបង់៣០០ ដុល្លារក្នុង១ខែបង អត់គិតបញ្ចូលថ្លៃទឹកភ្លើងទេ"៕

អត្ថបទ៖ ឆុង ស៊ីណាន