Mr.Bean មិនត្រឹមតែមិនអី ហើយថែមទាំងត្រលប់មកវិញជាមួយរឿងថ្មីទៀត
- 2017-03-22 09:18:52
- ចំនួនមតិ 0 | ចំនួនចែករំលែក 0
Mr.Bean មិនត្រឹមតែមិនអី ហើយថែមទាំងត្រលប់មកវិញជាមួយរឿងថ្មីទៀត
ចន្លោះមិនឃើញ
តារាសម្ដែង និងជាតារាកំប្លែងជនជាតិអង់គ្លេស Rowan Atkinson ដែលត្រូវបានស្គាល់ទូទាំងពិភពលោកថាជា Mr. Bean បានធ្វើឲ្យអ្នកគាំទ្រទាំងអស់ជឿជាក់ច្បាស់ថាលោកពិតជានៅរស់រានធម្មតាមែន ហើយសុខភាពក៏មិនមានបញ្ហាអ្វីដែរ ក្រោយមានព័ត៌មានផ្ដេសផ្ដាសចុះថា ស្លាប់ដោយសារគ្រោះថ្នាក់ចរាចរណ៍។
កាលពីថ្ងៃអាទិត្យកន្លងទៅ តារាសម្ដែងវ័យ ៦២ឆ្នាំរូបនេះ បានអញ្ជើញទៅចូលរួមពិធីសម្ពោធខ្សែភាពយន្តចិនមួយរឿង មានចំណងជើងថា "Top Funny Comedian : The Movie” ក្នុងទីក្រុងប៉េកាំង ខណៈរឿងនេះបញ្ចាំងទូទាំងប្រទេសចិនត្រឹមថ្ងៃ សុក្រនេះ ។
តាមពិតរឿងនេះត្រូវបញ្ចាំង តាំងពីថ្ងៃទី ២៨ ខែមករា តែដោយសារខាងក្រុមការងារផលិតក៏សម្រេចចិត្តប្ដូរថ្ងៃ ដោយសារជៀសវាងការប្រកួតប្រជែងពីខាង ខ្សែភាពយន្តចិន ដែលកំពុងបញ្ចាំងក្នុងរោងកុនដទៃទៀត។
"Top Funny Comedian : The Movie” ត្រូវបានចូលរួមសម្ដែងដោយ Mr.Bean រួមជាមួយនឹង តារាកំប្លែងចិន Guo Degang និង Yue Yunpeng ជាដើម ។ ការវិលត្រលប់មកវិញរបស់តារាសម្ដែងជនជាតិអង់គ្លេសរូបនេះពិតជាធ្វើឲ្យអ្នកគាំទ្ររីករាយ និងសង្ឃឹមថារឿងថ្មីរបស់លោកមួយនេះ នឹងទទួលបានការគាំទ្រដូចរឿងកន្លងទៅរបស់លោកដែរ៕