វាយប្រហារចាក់នឹងកាំបិតក្បែររដ្ឋសភាអង់គ្លេសស្លាប់៤ និងរបួសជាង៤០នាក់
- 2017-03-23 01:19:17
- ចំនួនមតិ 0 | ចំនួនចែករំលែក 0
វាយប្រហារចាក់នឹងកាំបិតក្បែររដ្ឋសភាអង់គ្លេសស្លាប់៤ និងរបួសជាង៤០នាក់
ចន្លោះមិនឃើញ
បុរសម្នាក់បានសម្លាប់មនុស្ស ៤នាក់ រួមទាំងប៉ូលិសម្នាក់ផង និងរបួសប្រមាណ ៤០នាក់នៅក្បែររដ្ឋសភាអង់គ្លេសនៅថ្ងៃពុធ (ត្រូវនឹងម៉ោងប្រមាណ១០យប់មិញនៅកម្ពជា) ដែលប៉ូលិសសង្ស័យថាជាអំពើពាក់ព័ន្ធនឹងភេរវកម្មក្រុមឥស្លាមជ្រុលនិយម។
មនុស្សរាប់សិបនាក់បានរបួសហូរឈាមស្រោចពេញថ្នល់ ក្រោយជនល្មើសបើកឡានរបស់ខ្លួនកាត់ហ្វូងមនុស្សនៅលើស្ពាន River Thames រួចបានបើកទ្វារឡានចេញចាប់ផ្ដើមចាក់មនុស្សទាំងនោះមិនរើសមុខតែម្ដង។ ក្នុងនោះមានប៉ូលិសម្នាក់ឈ្មោះ Keith Palmer អាយុ៤៨ឆ្នាំ តែមិនមានអាវុធជាប់ខ្លួនឡើយ។
ភ្លាមក្រោយកើតហេតុប៉ូលិសប្រដាប់អាវុធម្នាក់ទៀត បានបាញ់សម្លាប់ជនលើសស្លាប់តែម្ដង។ ប្រភពពីមន្ត្រីជាន់ខ្ពស់ប្រឆាំងភេរវកម្មលោក Mark Rowley ប្រាប់ថាគេបានស្គាល់អត្តសញ្ញាណជនល្មើសហើយ តែមិនទាន់បញ្ចេញឲ្យដឹងនៅឡើយទេ តែសន្និដ្ឋានថាជាការវាយប្រហារពាក់ព័ន្ធនឹងក្រុមឥស្លាមជ្រុលនិយម។
ការចាក់សម្លាប់មនុស្សស្លូតត្រង់ខាងលើ គឺកើតឡើងចំពេលគម្រប់ខួបមួយឆ្នាំល្មមនៃការវាយប្រហារដោយគ្រាប់បែករបស់ ISIS នៅទីក្រុងប្រ៊ុចសែល៕ សូមរង់ចាំតាមដានបន្តទៀត...