Update: ជុំវិញករណីភរិយា ហុងដា ស្លាប់រសៀលនេះ

2017-05-11 08:30:53
ចំនួនមតិ 0 | ចំនួនចែករំលែក 0

ចន្លោះមិនឃើញ

-ខុនដូ ដែលជាកន្លែងកើតហេតុ គឺជារបស់នាយ ហុងដា

-ស្ត្រីដែលស្លាប់ គឺជាភរិយាហុងដា ទើបនឹងឆ្លងទន្លេបាន៦ខែ

-សង្ស័យកូនដើម ហុងដា ជាឃាតក

-អ្នកស្លាប់ជាកូនទី២ ក្នុងចំណោមកូនស្រី ៥នាក់

តាមរយៈវីដេអូ Live ផ្ទាល់របស់ TVFB បានឲ្យដឹងថា អ្នកស្លាប់ គឺជាភរិយារបស់តារាកំប្លែងពិតប្រាកដមែន ដែលមានអាយុ ១៩ឆ្នាំ និងទើបតែសម្រាលកូនបាន៦ខែ ក្រោយបានគ្នាជាមួយហុងដា ប្រមាណជាង១ឆ្នាំ។

ហេតុការណ៍ខាងលើបានកើតនៅវេលាម៉ោងប្រមាណ១រសៀលនេះ នៅខុនដូមួយនៅសង្កាត់ដង្កោ ដែលគេដឹងថាជារបស់តារាកំប្លែង ហុងដា និងកំពុងដំណើរការសាងសង់មិនទាន់រួចរាល់ទាំងស្រុងនៅឡើយ។ ជុំវិញករណីនេះ មិនទាន់ដឹងសាច់រឿងលំអិតនៅឡើយទេ ឯអ្នករងគ្រោះឈ្មោះ ស៊ឹម ចន្ធី គឺជាកូនទី២របស់ខ្លួនវ័យ ក្នុងចំណោមកូនស្រីទាំងអស់៥នាក់។

មុនពេលស្លាប់ ជនរងគ្រោះ ទើបត្រឡប់មកពីផ្ទះម្ដាយនៅផ្សារដីហុយ ដែលមុនចេញមកម្ដាយបានឃាត់ឲ្យស្នាក់នៅជាមួយម្ដាយមួយយប់សិន ព្រោះតែហុងដា អត់នៅផ្ទះ ប៉ុន្តែស្ត្រីរងគ្រោះ ពុំព្រមនៅតែមានះមក។ ប៉ុន្តែពេលមកដល់ផ្ទះ ស្ត្រីរងគ្រោះបានទូរសព្ទប្រាប់ម្ដាយថា បានមកដល់ហើយ...លុះក្រោយមក ស្ត្រីជាម្ដាយអះអាងថា បានលឺសំឡេងកូនដើម ហុងដា ស្រែកប្រាប់ម្ដាយចុង(ស្ត្រីដែលស្លាប់) “ម៉ាក់ៗ មើលបង្គន់ស្ទះនែក ចេញផុចៗហ្មង"ៗ។

“អីចឹង គេល្បួងវាយកទៅសម្លាប់ពេលហ្នឹងហើយ!” ស្ត្រីជាម្ដាយ អះអាងជាមួយការនឹងការស្រែកទ្រហ៊ោយំ។

ក្រុមគ្រួសារអ្នករងគ្រោះ បានដាក់ការសង្ស័យថា កូនដើមរបស់នាយ ហុងដា រួមជាមួយស្រីស្នេហ៍ គឺមានជាប់ពាក់ព័ន្ធករណីស្លាប់របស់កូនស្រីទី២របស់ពួកគេ៕

អត្ថបទ៖ ទារិកា