រូបភាពថ្មីបង្ហាញពុម្ព iPhone 7s, 7s Plus និង iPhone 8 ដាក់ទន្ទឹមគ្នា
- 2017-05-22 02:08:46
- ចំនួនមតិ 0 | ចំនួនចែករំលែក 0
រូបភាពថ្មីបង្ហាញពុម្ព iPhone 7s, 7s Plus និង iPhone 8 ដាក់ទន្ទឹមគ្នា
ចន្លោះមិនឃើញ
គេរំពឹងយ៉ាងខ្លាំងថាឆ្នាំ ២០១៧ នេះ Apple នឹងបញ្ចេញ iPhone ជំនាន់ថ្មីដល់ទៅបីម៉ូដែល ដោយពីរម៉ូដែលជាការអាប់ដេតចេញពី iPhone 7/7 Plus និង មួយម៉ូដែលទៀតផលិតឡើងជាពិសេសសម្រាប់ខួប ១០ ឆ្នាំនៃការកកើត iPhone។
ពេលនេះរូបភាពថ្មីមួយឈុតបានលេចធ្លាយលើបណ្ដាញសង្គមចិន Weibo ដោយបានបង្ហាញពីពុម្ពរបស់ស្មាតហ្វូនទាំងបីម៉ូដែល អាចឲ្យឃើញច្បាស់ពីភាពខុសគ្នានៃទំហំ។ ក្រៅពីរូបពុម្ពនេះ គ្មានការបង្ហាញពីព័ត៌មានលម្អិតគួរចាប់អារម្មណ៍អ្វីផ្សេងឡើយ។
យ៉ាងណាក្ដីបើផ្អែកតាមពាក្យចចាមអារ៉ាមកន្លងមក iPhone 8 គឺមានទំហំនៃរាងប្រហាក់ប្រហែលគ្នាទៅនឹង iPhone អេក្រង់ទំហំ ៤,៧ អ៊ីញ។ ត្បិតថាមានរាងតូចមែនប៉ុន្តែ iPhone 8 រំពឹងថានឹងមានទំហំអេក្រង់ដលើ ៥,៨ អ៊ីញ នេះក៏ដោយសារការប្រើតិចនិកផលិតអេក្រង់ដែលស្ទើរគ្មានគែមសងខាង។
រូបភាពដែលបង្ហាញខាងលើក៏បានបញ្ជាក់ពីចចាមអារ៉ាមចេញផ្សាយកន្លងទៅថា iPhone 8 នឹងមានកាមេរ៉ាភ្លោះជាលក្ខណៈបញ្ឈរ។ Apple ទំនងជានឹងប្រើកាមេរ៉ាភ្លោះបញ្ឈរនេះក៏ដោយសារតែ iPhone 8 មានទំហំតូច។ ជាក់ស្ដែងពុម្ពក៏បានបង្ហាញថា iPhone 7s Plus នៅតែប្រើប្រព័ន្ធកាមេរ៉ាភ្លោះជាលក្ខណៈផ្ដេកដដែល៕