ឆ្ងល់ទេ មេរោគវាយប្រហារពេញពិភពលោកដល់អាស៊ី ហេតុអ្វីនៅកម្ពុជាមិនរងគ្រោះ?

2017-05-22 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីមានការវាយប្រហារតាមរយៈមេរោគចាប់ជំរិតមួយដែលធ្វើឲ្យកក្រើកពិភពបច្ចេកវិទ្យាកាលពីពេលថ្មីៗ សង្កេតឃើញថាមានប្រទេសជាច្រើននៅទ្វីបអាស៊ីក៏ត្រូវរងគ្រោះដែរ ប៉ុន្តែសម្រាប់កម្ពុជាដែលជាប្រទេសមានសេរីភាពខាងវិស័យបច្ចេកវិទ្យា បែរជាមានសុវត្ថិភាពទៅវិញ។

លោក អ៊ូ ផាន់ណារិទ្ធ អ្នកជំនាញផ្នែកប្រព័ន្ធសុវត្ថិភាព

ឆ្លើយតបទៅនឹងសំណួរនេះលោក អ៊ូ ផាន់ណារិទ្ធ អ្នកជំនាញផ្នែកប្រព័ន្ធសុវត្ថិភាពនិងជាសាស្ត្រាចារ្យផ្នែកព័ត៌មានវិទ្យា បានឲ្យ Sabay ដឹងថា ការវាយប្រហារតាមរយៈមេរោគចាប់ជំរិតទារប្រាក់ឈ្មោះ WannaCry នេះបានធ្វើឲ្យប្រទេសជាង ១៥០ និងអ្នករងគ្រោះកើនដល់ចំនួនជាង ៣០០០០០ នាក់ដែលត្រូវរងគ្រោះរួមទាំងទ្វីបអាស៊ីផងដែរដូចជាថៃ សិង្ហបុរី និងវៀតណាម ជាដើម។

សាស្ត្រាចារ្យបានបន្ថែមថា តាមរយៈព័ត៌មានដែលទទួលបានពីក្រុមហ៊ុនប្រព័ន្ធសុវត្ថិភាព Symantec បានបញ្ចេញទិន្នន័យចុងក្រោយដែលបង្ហាញថា កម្ពុជានៅពណ៍សនៅឡើយ(ជាតំបន់ដែលមិនរងផលប៉ះពាល់ពីការវាយប្រហារ)។

លោកបានបញ្ជាក់ថា ការដែលកម្ពុជាមិនទទួលរងផលប៉ះពាល់ពីការវាយប្រហារអាចមកពីកត្តាការប្រើប្រាស់សេវាអនឡាញនៅមិនទាន់ច្រើនលើសលុបពេក ហើយក៏មិនមែនជាគោលដៅវាយប្រហាររបស់ពួក Hacker ។ តែទោះយ៉ាងណា អ្នកប្រើប្រាស់បណ្ដាញសេវាអនឡាញត្រូវប្រុងប្រយ័ត្នជាងមុន ព្រោះអាចថានៅស្រុកគេស្ងប់ស្ងាត់ ស្រាប់តែកើតមាននៅកម្ពុជា ក៏លោកមិនអាចទាយដឹងមុនបានដែរ៕

អានបន្ត៖ របៀបការពារខ្លួន គេចចេញពីការឆ្លងមេរោគវាយប្រហារ កំពុងអុកឡុកពេញពិភពលោក

អានបន្ត៖ មេរោគថ្មី សាហាវជាង WannaCry កំពុងវាយលុកកុំព្យូទ័ររាប់ពាន់គ្រឿង

អានបន្ត៖ ខ្លាំងមែន! បិទមេរោគកុំព្យូទ័រកំពុងល្បីបាន ហើយឲ្យប្រាក់មិនយកទៀត

អត្ថបទ៖ រក្សា