Ariana Grande និយាយឆ្លើយតបក្រោយហេតុការណ៍ផ្ទុះនៅ Manchester

2017-05-23 04:18:24
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីហេតុការណ៍ដ៏អាក្រក់ដែលកើតឡើងកាលពីយប់ថ្ងៃចន្ទ នៅកម្មវិធីប្រគំតន្ត្រីរបស់នាងនៅចក្រភពអង់គ្លេស ដែលបណ្តាលឲ្យមនុស្សស្លាប់ ១៩នាក់និងរបួសជិត ៥០នាក់ ពេលនេះតារាចម្រៀង Ariana Grande បានបង្ហាញពីអារម្មណ៍ក្ដុកក្ដួលរបស់នាងនៅបណ្ដាញសង្គម Twitter។

នាងបានសរសេរលើ Twiiter ថា៖ "ឈឺចាប់ពីក្នុងបេះដូងរបស់ខ្ញុំ ឲ្យខ្ញុំសុំទោស ខ្ញុំគ្មានពាក្យអ្វីនិយាយទេ។"

ក្រៅពីពាក្យពេចន៍របស់នាង អ្នកចាត់ការរបស់តារាម្នាក់នេះក៏បានសរសេរនៅលើ Twiiter ថា៖ "យប់នេះ បេះដូងរបស់ពួកយើងគឺប្រេះស្រាំ។ គ្មានពាក្យណាអាចបង្ហាញអារម្មណ៍ក្ដុកក្ដួលរបស់យើងបានទេ ចំពោះក្រុមគ្រួសារជនរងគ្រោះក្នុងគ្រោះអាក្រក់នេះ។ យើងកាន់ទុក្ខចំពោះជីវិតរបស់ក្មេងៗ និងមនុស្សជាទីស្រលាញ់ដែលបានបាត់បង់ជីវិតក្នុងសកម្មភាពដ៏កំសាកនេះ។ យើងអរគុណចំពោះសេវាកម្មរបស់ទីក្រុង Manchester ដែលបានប្រថុយគ្រោះថ្នាក់ជួយសង្គ្រោះជីវិត។ យើងសូមឲ្យអ្នកទាំងអស់គ្នាយកចិត្តទុកដាក់ដល់ជនរងគ្រោះ គ្រួសាររបស់គេ និងអស់អ្នកដែលពាក់ព័ន្ធ ឲ្យនៅក្នុងបេះដូងរបស់អ្នកនិងបន់ស្រន់ដល់ពួកគេ។"