Ariana Grande បង្ហាញខ្លួនលើកដំបូងក្រោយហេតុការណ៍អាក្រក់នៅ Manchester

2017-05-24 04:46:26
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Ariana Grande បានបង្ហាញខ្លួនជាលើកដំបូងក្នុងស្ថានភាពតក់ស្លុតក្រោយហេតុការណ៍ដ៏អាក្រក់ដែលបានកើតឡើងនៅកន្លែងប្រគំតន្ត្រីរបស់នាងនៅ Manchester កាលពីយប់ថ្ងៃច័ន្ទ ខណៈដែលនាងចុះចតពីយន្តហោះមកកាន់ផ្ទះរបស់នាងនៅទីក្រុង Boca Raton រដ្ឋ Florida។

តារាចម្រៀងប៉ុបម្នាក់នេះ ត្រូវបានគេសង្កេតឃើញថាបានស្រក់ទឹកភ្នែកពេលដែលចុះពីយន្តហោះឯកជនរបស់ខ្លួនកាលពីរសៀលថ្ងៃអង្គារ និងបានស្វាគមន៍ដោយមិត្តប្រុសនាងតារាចម្រៀងរ៉េប Mac Miller។

Ariana បានស្លៀកសំលៀកបំពាក់ឈុតខ្មៅនិងចង់សក់ឡើងលើយ៉ាងសាមញ្ញ បានឱបនិងថើបសង្សារខ្លួន រួចទើបចេញដំណើរទៅផ្ទះជាមួយនឹងគ្រួសារ។ ឡានប៉ូលិសមួយចំនួនក៏បានចតនៅទីនោះដែរ ដើម្បីធានាសុវត្ថិភាពដល់តារារូបនេះ ព្រោះនាងនៅមានអារម្មណ៍តក់ស្លុតនៅឡើយ។

គួរបញ្ជាក់ថាម្តាយតារាចម្រៀង Ariana Grande គឺអ្នកស្រី Joan ក៏បានស្ថិតនៅក្បែរទីតាំងផ្ទុះនោះដែរ ប៉ុន្ដែមិនមានគ្រោះថ្នាក់អ្វីឡើយ។ ក្រោយពីឮសំឡេងផ្ទុះអ្នកស្រីបានស្រវាទៅរកកូន ហើយព្រមទាំងជួយក្រុមគ្រួសាររងគ្រោះយ៉ាងសស្រាក់សស្រាំផងដែរ។

គិតមកដល់ត្រឹមពេលនេះគេកំណត់សម្គាល់ជនរងគ្រោះបានខ្លះៗហើយ តួយ៉ាងដូចបានបង្ហាញនៅក្នុងរូបភាពទាំងពីរនេះ ជនរងគ្រោះទី១ឈ្មោះ Georgina Callander អាយុ ១៨ឆ្នាំ និង ជនរងគ្រោះទី២ឈ្មោះ Saffie Rose Roussos អាយុ៨ឆ្នាំ៕