មើលវីដេអូចាប់កាន់ iPhone 8 ដំបូងបានដឹងថា Apple លែងមានគំនិតថ្មី
- 2017-05-26 02:49:16
- ចំនួនមតិ 0 | ចំនួនចែករំលែក 0
មើលវីដេអូចាប់កាន់ iPhone 8 ដំបូងបានដឹងថា Apple លែងមានគំនិតថ្មី
ចន្លោះមិនឃើញ
ពេលវេលា iPhone 8 បង្ហាញខ្លួនកាន់តែខិតចូលកៀកហើយ ដោយទន្ទឹមនឹងនេះមានព័ត៌មានលេចធ្លាយជាច្រើនពី iPhone ជំនាន់ថ្មី។ ជាក់ស្ដែងថ្មីៗនេះមានការលេចចេញវីដេអូខ្លីមួយបង្ហាញពីការចាប់កាន់ iPhone 8 ប្រភេទ Mock-Up ដែលគេផលិតឡើងផ្អែកតាមរូបដ្យាក្រាមដែលលេចធ្លាយចេញពីរោងចក្រផលិត iPhone 8 ផ្ទាល់។
ក្នុងវីដេអូខ្លីដែលមានរយៈពេល ១១ វិនាទី ឃើញថា iPhone 8 ដែលបង្ហាញឡើងមានរូបរាងមិនខុសគ្នាពីរូបភាពបែកធ្លាយចេញផ្សាយនាពេលកន្លងមកឡើយ។ កាមេរ៉ាភ្លោះបានប្ដូរពីប្រភេទផ្ដេកទៅជាបញ្ឈរវិញ ហើយផ្នែកខាងក្រោយធ្វើឡើងពីកញ្ចក់យ៉ាងភ្លឺរលោង និង មិនឃើញមានប៊ូតុង Home ឡើយ។
វីដេអូដែលទើបបង្ហោះចេញនេះ បច្ចុប្បន្នមានអ្នកចុចមើលដល់ជាង ១ លានដង ហើយមានចំនួន Dislike (មិនចូលចិត្ត) ច្រើនជាងចំនួន Like (ចូលចិត្ត) ទៅទៀត។ អ្នកប្រើអ៊ីនធឺណិតភាគច្រើនបានបញ្ចេញមតិក្នុងន័យស្រដៀងៗថា Apple ទំនងជាលែងមានគំនិតច្នៃប្រឌិតថ្មីទៀតហើយ ព្រោះ iPhone 8 មានការរចនាមិនខុសគ្នាពី iPhone 7, iPhone 6s និង iPhone 6 ខ្លាំងប៉ុន្មានឡើយ។
ទោះជាការរចនារូបរាង iPhone 8 នៅដដែលៗយ៉ាងណាក្ដីប៉ុន្តែចចាមអារ៉ាមកន្លងមកចេញផ្សាយថា iPhone ជំនាន់ថ្មីនឹងមានចំណុចពិសេសជាច្រើនដើម្បីទាក់ទាញអ្នកប្រើប្រាស់។ ចំណុចពិសេសមានដូចជា ទ្រនាប់ស្កេនក្រយៅដៃបង្កប់ក្រោយអេក្រង់, អេក្រង់ស្ទើរគ្មានគែមសងខាង, ស្កេនមុខដើម្បីដោះសោ និង អាចសាកថ្មដោយឥតប្រើខ្សែជាដើម៕
ចុចអាន៖
អ្នកវិភាគ៖ គ្មានទេ iPhone 8 ទំហំ 32GB ឯទំហំ 128GB តម្លៃខ្ទង់ពាន់ដុល្លារ
Apple កុម្ម៉ង់អេក្រង់ OLED ឡើងដល់ ១៨០ លានបន្ទះ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
