តិចអត់ដឹង ផល សោភ័ណ្ឌ ចូលជាជម្រើសជាតិប្រដាល់សកលកម្ពុជា

2017-05-26 07:19:41
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករល្បីឈ្មោះនៅកម្ពុជាហើយកម្រនិងចាញ់ការប្រកួត ផល សោភ័ណ្ឌ បានចូលជាកីឡាករជម្រើសជាតិប្រដាល់សកលវិញហើយ និងកំពុងហ្វឹកហាត់ត្រៀមចេញទៅស៊ីហ្គេមនៅប្រទេសម៉ាឡេស៊ីឆ្នាំ២០១៧ខាងមុខនេះ។

កីឡាករ ផល សោភ័ណ្ឌ

ផល សោភ័ណ្ឌ បានឲ្យដឹងម្សិលមិញថា បច្ចុប្បន្ននេះគេជាកីឡាករជម្រើសជាតិប្រដាល់សកលកម្ពុជា ហើយគេទើបចូលហាត់នៅពាក់កណ្ដាលខែឧសភានេះទេ។ ការចូលជាកីឡាករជម្រើសជាតិនេះគឺដោយសារខ្វះកីឡាករទម្ងន់ ៦៤គីឡូក្រាមនិងមានការស្នើពីក្រសួងក៏ដូចជាគ្រូបង្វឹកផងនោះទើបគេសម្រេចថាចូលរួមតែម្ដង ណាមួយខ្លួនក៏ចង់ជួយក្រុមជម្រើសជាតិក្នុងការស្វែងរកមេដាយក្នុងព្រឹត្តិការណ៍នេះដែរ។

អ្នកប្រដាល់ល្អគ្រប់ក្បាច់រូបនេះបន្ថែមទៀតថា ចូលជាកីឡាករជម្រើសជាតិក៏អាចជួយឲ្យរូបនេះគេបង្កើនសមត្ថភាពបន្ថែមទៀតដែរ ដូចជាល្បឿននៃការវ៉ៃនិងកម្លាំងស៊ុហ្វ ព្រោះបច្ចុប្បន្ននេះថាខ្លួនរៀងធ្លាក់សមត្ថភាពបន្តិច។ ម្ចាស់ខ្សែក្រវាត់ Carabao រូបនេះថា សមត្ថភាពបើមិនខ្លាំងជាងនេះក៏ត្រូវតែរក្សាឲ្យថេរត្រឹមនេះដែរ។

កីឡាករ ផល សោភ័ណ្ឌ ក្រហម

កីឡាករ ផល សោភ័ណ្ឌ ជាអ្នកប្រដាល់មកពីក្លឹបប្រដាល់តាឡីដំរីមានរិទ្ធនៅខណ្ឌដង្កោ ជាយក្រុងភ្នំពេញ។ នេះជាលើកទី៣ហើយដែលជើងខ្លាំងម្នាក់នេះ ចូលជាកីឡាករជម្រើសជាតិប្រដាល់សកល ទី១ចេញទៅប្រកួតនៅប្រទេសឥណ្ឌូណេស៊ី ទី២ប្រទេសភូមានិងទី៣នេះនឹងទៅប្រទេសម៉ាឡេស៊ីនាខែសីហាខាងមុខនេះ៕

អត្ថបទ៖ នួន ស៊ីណា