ទើបផ្ទុះគ្រាប់បែកហើយអីចឹង Katy និង Celine ហ៊ានប្រគំតន្រ្តីទៀតអត់?

2017-05-26 09:12:31
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាល្បីជាច្រើនបានសន្យាមិនលុបចោលថ្ងៃប្រគំតន្ត្រីទេសចរណ៍របស់ខ្លួនទេ បើទោះជាមានហេតុការណ៍អាក្រក់កើតឡើង បណ្ដាលឲ្យមនុស្សស្លាប់ និងរបួសច្រើន ក្នុងការប្រគំតន្ត្រីរបស់ តារាចម្រៀង Ariana Grande ។

តារាចម្រៀង Katy Perry, Lorde និងតន្រ្តីករផ្សេងទៀត បានបញ្ជាក់ថា ពួកគេនឹងនៅតែសម្ដែងនៅ ការប្រគំតន្ត្រី “BBC Radio 1's Big Weekend” នៅចុងសប្ដាហ៍នេះក្នុងទីក្រុង Hull ប្រទេសអង់គ្លេសតាមការគ្រោងទុកដដែល។

រីឯតារាចម្រៀងបែបមនោសញ្ចេតនាសញ្ជាតិកាណាដា Celine Dion វិញក៏នឹងរក្សាថ្ងៃសម្ដែងរបស់ខ្លួនដដែល ក្នុងរដ្ឋ Copenhagen រដ្ឋ Stockholm ទីក្រុងឡុងដ៍ និងទីក្រុងប៉ារីស ក្នុងនោះក៏រួមបញ្ចូលទាំងការប្រគំតន្ត្រីដែលត្រូវធ្វើនៅថ្ងៃទី ២៥ ខែមិថុនា នៅទីលានកីឡដ្ឋាន Manchester Arena ដែរ។ នេះបើតាមការប្រកាសរបស់អ្នកតំណាងរបស់នាង។

ដោយឡែកចំពោះ ក្រុមការងារតារាចម្រៀង Ariana Grande វិញបាននិយាយថា គ្រប់ការសម្ដែងរបស់តារាស្រីរូបនេះ ដែលត្រូវធ្វើនៅចាប់ពីថ្ងៃទី ០៥ ខែមិថុនា ត្រូវបានលុបចោលទាំងអស់ហើយ ក្រោយហេតុការណ៍ដែលបាន កើតឡើងដ៏រន្ធត់ កន្លងទៅថ្មីៗនេះ៕

*ចុចអាន៖

-ទីបំផុត Celine Dion លក់វិមានបានសម្រេច ថ្លៃខ្ពស់កប់មេឃ ឯខាងក្នុងផ្ទះប្រណិតខ្លាំង

-អស់សំណើច! ក្មេងរាំស្ពាយកាតាបជាមួយ Katy Perry កំពុងល្បីខ្លាំង!

-ព័ត៌មានជុំវិញតារាបរទេស

ប្រភព៖ Dailymail ប្រែសម្រួល៖ យី សុធារី