តិចអត់ដឹងតួស្រីក្នុងបទ "Attention" ត្រូវជាអ្វីនឹង Charlie Puth ចុះ?

2017-05-27 08:36:49
ចំនួនមតិ 0 | ចំនួនចែករំលែក 0

ចន្លោះមិនឃើញ

បទថ្មីរបស់ Charlie Puts ដែលចេញកាលពីថ្ងៃព្រហស្បតិ៍ ទី ២០ ខែមេសា បានធ្វើឲ្យអ្នកគាំទ្រមានការសង្ស័យថា បទនេះចង់សំដៅលើ អតីតមិត្តស្រីរបស់លោក គឺតារាស្រី Bella Thorne។

បទចម្រៀងដែលមានចំណងជើងថា "Attention” មានការចាប់អារម្មណ៍ខ្លាំងពីសំណាក់អ្នកស្ដាប់ មិនមែនដោយសារវាជាបទថ្មីទេ។ ជាមួយគ្នានោះ អ្នកគាំទ្ររបស់តារាចម្រៀង Charlie Puts មានការងឿងឆ្ងល់ខ្លាំង ទាក់ទងនឹងប៉ារ៉ូលបទចម្រៀង និយាយពីនារីម្នាក់ដែលធ្វើឲ្យអ្នកចម្រៀងរូបនេះ ខ្វល់បារម្ភគ្រប់ពេល។

ខណៈពេលដែល តារាប្រុសរូបនេះមិនធ្លាប់មានទំនាក់ទំនងជាមួយអ្នកណា និងបើកចំហជាសាធារណៈទេពីមុន លើកលែងតែ Bella ទើបបណ្ដាលឲ្យអ្នកគាំទ្រជឿថា បទនេះគឺសំដៅលើនាងតែម្ដង។

រំលឹកផងដែរ Charlie និង Bella បានភ្ជាប់ទំនាក់ទំនងពិសេសនេះកាលពីឆ្នាំ ២០១៦ ប៉ុន្តែមិនយូរប៉ុន្មាន ទំនាក់ទំនងក៏ត្រូវផ្ដាច់វិញ ក្រោយ Bella និយាយថា ខ្លួននិង Charlie មិនមានស្នេហាអ្វីជាមួយគ្នាទេ៕

*ចុចអាន៖

-ព័ត៌មានពីតារាបរទេស

-តាមពិត Katy Perry សរសេរបទ I Kissed a Girl សម្រាប់តារាស្រីម្នាក់នេះសោះ

-វីដេអូបទថ្មីរបស់ Jannine Weigel ចេញភ្លាម កក្រើកភ្លែត

ប្រភព៖ comicbook ប្រែសម្រួល៖ យី សុធារី