Huddersfield ជាក្រុមទី៣ឡើងទៅ Premier League បានប្រាក់រង្វាន់ ច្រើនជាងម្ចាស់ជើងឯក UCL ទៀត
- 2017-05-30 03:21:23
- ចំនួនមតិ 0 | ចំនួនចែករំលែក 0
Huddersfield ជាក្រុមទី៣ឡើងទៅ Premier League បានប្រាក់រង្វាន់ ច្រើនជាងម្ចាស់ជើងឯក UCL ទៀត
ចន្លោះមិនឃើញ
Huddersfield Town បានក្លាយជាក្រុមទី៣បានទៅលេងក្នុងក្របខ័ណ្ឌ Premier League នៅរដូវកាលក្រោយ បន្ទាប់ពីបានយកឈ្នះ Reading ដោយបាល់ប៉េណាល់ទី ៤-៣កាលពីយប់មិញក្នុងកីឡដ្ឋាន Wembley ប្រទេសអង់គ្លេស។
ប្រកួតគ្នាអស់រយៈពេល១២០នាទី ក្រុមទាំងពីរមិនអាចរកគ្រាប់បាល់បានរៀងខ្លួន ត្បិតមានឱកាសដូចគ្នាក៏ដោយ។ ឈានដល់បាល់ប៉េណាល់ទីកាត់សេចក្ដី ក្រុមទាំងពីរទាត់បានម្នាក់៥ជើងដូចគ្នា តែជាសំណាងអាក្រក់សម្រាប់ Reading ទាត់មិនចូលដល់ទៅ២គ្រាប់ ខណៈ Huddersfieldភ្លាត់តែមួយគ្រាប់ប៉ុណ្ណោះ។
ការឡើងទៅលេងនៅ Premier League ជាលើកដំបូងចាប់តាំងពីឆ្នាំ១៩៧២ Huddersfield ទទួលបានប្រាក់រង្វាន់ដល់ទៅ១៨៥លានផោនក្នុងនាមជាក្រុមលេខ៣។ ក្រុម២ទៀតដែលឡើងអមជាមួយ Huddersfield មានដូចជា Newcastle (ជើងឯក) និង Brighton (លេខ២) នៅ EFL Championship។
ប្រាក់រង្វាន់ដែល Huddersfield ទទួលបានឆ្នាំនេះ គឺច្រើនជាង Hull City ដែលធ្លាប់ជាក្រុមលេខ៣នៅ EFL Championship កាលពីឆ្នាំមុន១៥លានផោន និងច្រើនជាងប្រាក់រង្វាន់ក្រុមជើងឯង Premier League ឆ្នាំនេះ Chelsea ដល់ទៅ៣១,៨លានផោន៕
ចុចអាន៖