Ronaldo ថានឹក Man Utd តែចង់នៅ Real Madrid ដល់វ័យ៤០ឆ្នាំ

2017-06-01 01:56:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រាប់ទូរទស្សន៍អេស្ប៉ាញ La Sexta កីឡាករឆ្នើម Cristiano Ronaldo បាននិយាយថា គេនឹកអង់គ្លេសនិងក្លឹបចាស់ Manchester United ប៉ុន្តែចង់បន្តរស់នៅ Real Madrid រហូតដល់វ័យ៤០ឆ្នាំ។

Ronaldo ត្រូវបានគេសួរទាក់ទិននឹងក្រុមចាស់ បន្ទាប់ពីមានសំនួរមួយលើកឡើងថា បន្ទាប់ពីក្លាយជាអ្នកស៊ុតបញ្ចូលច្រើនជាងគេសម្រាប់ក្រុម Real Madrid និងជួយក្រុមឡើងវគ្គផ្ដាច់ព្រ័ត្រChampions League ៣ដង ប៉ុន្តែពេលខ្លះនៅតែមានអ្នកគាំទ្រឌឺដង តើ Ronaldo មានអារម្មណ៍បែបណា?

ម្ចាស់ពាន Ballon d'Or ពានសម័យបានឆ្លើយថា៖ "ខ្ញុំមិនចូលចិត្តវាទេ ហើយវាមិនមែនជារឿងធម្មតាទេ ពេលដែលអ្នកគាំទ្រស្រែកឌឺដងអ្នកនៅក្នុងកីឡដ្ឋានរបស់អ្នក។ ខ្ញុំមិនចូលចិត្តវាទេ។ ខ្ញុំធ្លាប់ចំណាយពេលជាច្រើនឆ្នាំលេងនៅ Manchester United ហើយរឿងអីចឹងៗមិនដែលកើតឡើងលើខ្ញុំទេ សូម្បីតែម្ដង៕

សាកសួរពីការនឹងក្លឹបចាស់ នឹងចង់ត្រលប់វិញ កីឡាករវ័យ៣២ឆ្នាំបានបន្ថែមថា៖ "ខ្ញុំពិតជាសប្បាយចិត្តរស់នៅក្នុងប្រទេសអេស្ប៉ាញ ប៉ុន្តែជាក់ស្ដែងខ្ញុំក៏នឹងអង់គ្លេសដែរ ព្រោះយើងមិនអាចបំភ្លេចអនុស្សាវរីយ៍បានទេ។ ប៉ុន្តែពេលដែលខ្ញុំចុះកុងត្រាចុងក្រោយជាមួយ Madrid ខ្ញុំចង់លេងនៅទីនេះដល់អាយុ៤១ឆ្នាំ"៕