Gabriel Jesus ពីក្មេងធ្លាប់ដើរលាបពណ៌តាមផ្លូវ ក្លាយជាកីឡាករល្បីនៅអង់គ្លេស
- 2017-05-31 04:14:19
- ចំនួនមតិ 0 | ចំនួនចែករំលែក 0
Gabriel Jesus ពីក្មេងធ្លាប់ដើរលាបពណ៌តាមផ្លូវ ក្លាយជាកីឡាករល្បីនៅអង់គ្លេស
ចន្លោះមិនឃើញ
Gabriel Jesus បច្ចុប្បន្នកំពុងតែរស់នៅសោយសុខ បន្ទាប់អភិវឌ្ឍន៍ក្លាយជាកីឡាករវ័យក្មេងល្អម្នាក់ក្នុងពិភពលោក ប៉ុន្តែគេនៅតែមិនអាចបំភ្លេចពីរឿងអតីតកាលរបស់ខ្លួនដ៏កម្សត់ឡើយ។
ដើរលើផ្លូវដោយគ្មានស្បែកជើងក្នុងទីក្រុង Sao Paulo ប្រទេសប្រេស៊ីល គ្រាអាយុ១៧ឆ្នាំ Jesus គ្រាន់តែជាក្មេងប្រុសម្នាក់មានក្ដីស្រមៃចង់លេងឲ្យក្រុមជម្រើសជាតិប្រេស៊ីល។ គេក៏ធ្លាប់ជួយប្រទេសរបស់ខ្លួនក្នុងការរៀបចំហេដ្ឋារចនាសម្ព័ន្ធសម្រាប់ព្រឹត្តិការណ៍ World Cup ផងដែរ។
ក្នុងរូបមួយចំនួនបង្ហោះលើបណ្ដាញសង្គម Gabriel បានបង្ហាញពីសកម្មភាពជួយលាបពណ៌តាមដងផ្លូវក្នុងតំបន់ជាពណ៌តំណាងឲ្យជាតិ ដើម្បីត្រៀមព្រឹត្តិការណ៍ World Cup កាលពី៣ឆ្នាំមុន។ កីឡាករវ័យ២០ឆ្នាំរូបនេះបានត្រឹមអង្គុយមើលការប្រកួត World Cup តាមទូរទស្សន៍ប៉ុណ្ណោះ ពេលដែលប្រេស៊ីលប្រឹងលេងឡើងដល់វគ្គពាក់កណ្ដាលផ្ដាច់ព្រ័ត្រ តែអភ័ព្វចាញ់អាល្លឺម៉ង់ ៧-១។
អ្វីៗបានផ្លាស់ប្ដូរខ្លាំង ពីក្នុងរូបភាពដើរអត់ស្បែកជើង និងពេលបច្ចុប្បន្ន។ កាលនៅយុវជន Gabriel លេងឲ្យក្លឹបក្នុងស្រុក Palmeiras ទទួលបានចំណូល៣ ៥០០ផោនក្នុងមួយឆ្នាំ។ ប៉ុន្តែជីវិតរបស់ Gabriel ចាប់ផ្ដើមប្រែប្រួល តាំងពីយល់ព្រមផ្ទេរមក Manchester City ក្នុងតម្លៃ២៧លានផោន កាលពីខែ សីហា ឆ្នាំ ២០១៦ និងមកលេងជាផ្លូវការកាលពីខែ មករា ឆ្នាំ ២០១៧។ ក្នុងកិច្ចសន្យា៥ឆ្នាំ Gabriel ទទួលបានចំណូល៧៥ ០០០ផោនក្នុងមួយសប្ដាហ៍ ក្លាយជាអ្នកមានដោយមិនដឹងខ្លួន៕
ចុចអាន៖
Ronaldinho បង្ហើបរឿងវិះផ្ទេរទៅ Man Utd មុនទៅ Barcelona តែជាប់ចំណងមួយ
Huddersfield ជាក្រុមទី៣ឡើងទៅ Premier League បានប្រាក់រង្វាន់ ច្រើនជាងម្ចាស់ជើងឯក UCL ទៀត