សុទ្ធតែតួល្បីៗបង្ហាញខ្លួននៅក្នុង Trailer ដំបូងរឿង “Murder on the Orient Express”

2017-06-02 04:10:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញនេះផលិតកម្ម 20th Century Fox បានបញ្ចេញ Trailer សម្រាប់រឿង "Murder on the Oreint Express” ដែលជាសមិទ្ធផលថ្មីមួយរបស់អ្នកដឹកនាំរឿងលោក Kenneth Bragnagh ដកស្រង់ចេញពីរឿងប្រលោមលោករបស់លោកស្រី Agatha Christie។

Poster សម្រាប់រឿង Muder on the Oreint Express

លក្ខណៈពិសេសខ្លាំងមួយរបស់រឿងនេះគឺអ្នកដឹកនាំរឿង លោក Bragnagh បានប្រមូលផ្ដុំនូវតារាល្បីៗ ជាច្រើនរូបហើយថែមទាំងសម្ដែងដោយខ្លួនឯងទៀតផង។ តារាល្បីៗ ដែលបានចូលរូមសម្ដែងក្នុងរឿងនេះមានដូចជា Penelope Cruz, Willem Dafoe, Judi Dench, Johnny Depp, Josh Gad, Derek Jacobi, Leslie Odom Jr, Michelle Pfeiffer និង Daisy Ridley។

សាច់រឿងនេះយកចេញពីក្នុងរឿងប្រលោមលោកដែលបានបោះពុម្ពតាំងពីឆ្នាំ ១៩៣៤ ដែលជារឿងដ៏ល្បីមួយ។ រឿងនេះទាក់ទងនឹងអំពើឃាតកម្មមួយដែលបានកើតឡើងនៅលើរថភ្លើង ដូច្នេះហើយអ្នកស៊ើបអង្កេតលោក Hercule Poirot ត្រូវចាំបាច់ដោះស្រាយរឿងក្តីឃាតកម្មនេះ ដោយដឹងច្បាស់ថាមនុស្សម្នាក់នៅក្នុងចំណោមមនុស្សទាំងអស់នៅក្នុងរថភ្លើងមានម្នាក់ជាឃាតករ៕