ចប់ហើយ! រឿងគ្រឿងញៀន T.O.P ប្រឈមមុខនឹងជាប់ទោសធ្ងន់ធ្ងរ

2017-06-02 04:25:45
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញ ព័ត៌មានជុំវិញរឿងរ៉ាវពាក់ព័ន្ធនឹងករណីសេពគ្រឿងញៀនរបស់តារាចម្រៀង មកពីក្រុម BIG BANG បានសុសសាយពេញអ៊ីនធឺណិត ធ្វើឲ្យមានការភ្ញាក់ផ្អើលយ៉ាងខ្លាំង។

តារាប្រុសវ័យ ២៩ឆ្នាំរូបនេះ ចាប់ផ្ដើមបំពេញកាតព្វកិច្ចបម្រើជាតិ ចាប់តាំងពីឆ្នាំខែកុម្ភៈ ដើមឆ្នាំ ២០១៧នេះមកម្ល៉េះ។ ដោយឡែកកាលពីម្សិលមិញ លោកត្រូវបានរងនូវការចោទប្រកាន់ថាបានសេពគ្រឿងញៀន យ៉ាងហោចណាស់ ៣ដង ជាមួយមិត្តភ័ក្ដស្រីរបស់ខ្លួន អាយុប្រហែលជាង ២០ កាលពីខែតុលា ឆ្នាំមុន។ នេះបើយោងតាមវិបសាយ Allkpop។

នៅក្នុងប្រទេសកូរ៉េខាងត្បូង មានច្បាប់ការពារតឹងរឹងណាស់ ប្រឆាំងដាច់ខាតចំពោះករណីសេពគ្រឿងញៀន ហើយបើរកឃើញជនណាល្មើសនឹងច្បាប់នេះ ជននោះត្រូវប្រឈមមុខនឹងផ្លូវច្បាប់ ដោយត្រូវជាប់ពន្ធនាគារ ៥ឆ្នាំ ឫពិន័យជាទឹកប្រាក់ រហូតដល់ ៥០លានវ៉ុន (ប្រហែល ៤៤ ៥៦០ ដុល្លារ)។

ក្រោយផ្ទុះព័ត៌មាន ខាងផលិតកម្ម YG ក៏បានចេញមុខសុំទោសជាផ្លូវការចំពោះបណ្ដាអ្នកគាំទ្រទាំងអស់ នូវទង្វើខុសច្បាប់របស់តារាចម្រៀងរបស់ខ្លួន។ ឥឡូវនេះជាវេនរបស់ T.O.P ម្ដង ហើយពេលនេះលោកក៏នឹងត្រូវប្រឈមនឹងការដាក់ទោសធ្ងន់ធ្ងររហូតដល់ថ្នាក់ចូលពន្ធនាគាររយៈ ៥ឆ្នាំឯណោះ៕

*ចុចអាន៖

-T.O.P កំពុងមានព័ត៌មានក្ដៅគគុក រឿងពាក់ព័ន្ធនឹងគ្រឿងញៀន

-TOP អង្វរអ្នកគាំទ្រឈប់ឲ្យធ្វើបែបនេះទៀត

-១ឃ្លាយ៉ាងខ្លីពី GD ទៅកាន់ T.O.P មុនចូលទ័ពអាចធ្វើឲ្យ Fan រំជួលចិត្ត

ប្រភព៖ nextshark ប្រែសម្រួល៖ យី សុធារី