មិនធម្មតា! តួស្រី Wonder Woman ថតរឿងពេលកំពុងមានផ្ទៃពោះ៥ខែ

2017-06-06 07:22:23
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Gal Gadot បានធ្វើឲ្យពិភពលោកមានការភ្ញាក់ផ្អើលដោយសារតែការសម្ដែងជាតួ “Wonder Woman” របស់នាង។ មិនត្រឹមតែប៉ុណ្ណោះនាងក៏ត្រូវបានជាហៅថាជាស្ត្រីអស្ចារ្យក្នុងពេលថតរឿងទៀតផង។

ខណៈពេលដែលតារារូបនេះកំពុងតែថតរឿង តាមពិតនាងកំពុងតែមានផ្ទៃពោះ។ ហេតុដូច្នេះហើយទើបកាលពីខែវិច្ឆិកាឆ្នាំមុន នាងត្រូវត្រលប់មកថតឈុតឆាកខ្លះៗសម្រាប់រឿងនេះ ព្រោះគេត្រូវការបច្ចេកទេស CGI ដើម្បីបិទបាំងពោះរបស់នាង កុំឲ្យឃើញថានាងមានផ្ទៃពោះ។

បើយោងទៅតាម Entertainment Weekly តារាសម្ដែងសញ្ជាតិអ៊ីស្រាអែលរូបនេះកំពុងតែមានផ្ទៃពោះ ៥ខែរួចមកហើយ។ ដូច្នេះហើយពេលនាងត្រលប់មកស្ទូឌីយោនៅទីក្រុងឡុងដុងដើម្បីថតឈុតនេះ ខាងផ្នែកសំលៀកបំពាក់បានកាត់ចំណុចត្រង់ពោះលើឈុតរបស់នាង ហើយជំនួសដោយក្រណាត់បៃតងវិញ ព្រោះគេអាចកែប្រែវាបានដោយបច្ចេកទេសកុំព្យូទ័រ។

សម្រាប់ពេលនេះ នាងបានសម្រាលកូនរួចរាល់ហើយ ដោយកូនស្រីនោះមានឈ្មោះថា Maya ដែលមានអាយុ២ខែហើយ៕