៤៥ ឆ្នាំទៀតមនុស្សយន្ត AI នឹងជំនួសគ្រប់ការងារដែលមនុស្សអាចធ្វើបាន

2017-06-10 03:35:50
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមការសិក្សាថ្មីមួយពីសកលវិទ្យាល័យ Oxford និង Yale ហើយមានការចូលរួមពីអ្នកជំនាញស្រាវជ្រាវលើបច្ចេកវិទ្យា AI ចំនួន ៣៥២ រូប បានបង្ហាញថា នាឆ្នាំ ២០៦២ (៤៥ ឆ្នាំទៀត) ៥០ ភាគរយ ម៉ាស៊ីន ឫក៏មនុស្សយន្តនឹងអាចជំនួសធ្វើបានគ្រប់ការងារដែលមនុស្សអាចធ្វើបាននាពេលបច្ចុប្បន្ន។

តាមការរំពឹងទុករួមមាន នាឆ្នាំ ២០២៤ ម៉ាស៊ីន និងមនុស្សយន្តអាចបកប្រែភាសាបរទេស ហើយនាឆ្នាំ ២០២៦ អាចសរសេរតែងសេចក្ដីកម្រិតវិទ្យាល័យ រីឯឆ្នាំ ២០២៧ អាចបើកបររថយន្តដឹកទំនិញធំៗ ដល់ឆ្នាំ ២០៣១ អាចធ្វើការនៅហាងលក់ទំនិញ និងឆ្នាំ ២០៤៩ មានសមត្ថភាពនិពន្ធសៀវភៅលក់ដាច់បំផុត ហើយរហូតចូលឆ្នាំ ២០៥៣ វាអាចវះកាត់ជំនួសវេជ្ជបណ្ឌិតថែមទៀតផង។ សរុបមកចំណុចទាំងប៉ុន្មានខាងលើ មនុស្សយន្តនឹងធ្វើបានប្រសើរជាងមនុស្សធម្មតាទាំងអស់។

ប្រភពខាងលើបន្ត យ៉ាងយូរ ១២០ ឆ្នាំទៅមុខ គេជឿថា ការងារ និងអាជីពរបស់មនុស្សទាំងអស់នឹងជំនួសទៅឲ្យមនុស្សយន្ត ឫគ្រឿងម៉ាស៊ីនស្វ័យប្រវត្តិជាអ្នកធ្វើវិញ។ លោក Katja Grace ភ្នាក់ងារនៃវិទ្យាស្ថានស្រាវជ្រាវស៊ើបអង្កេតគ្រឿងម៉ាស៊ីនក្នុងទីក្រុង Berkeley រដ្ឋកាលីហ្វយ៉ាបានថ្លែង "ពួកយើងមានការចាប់អារម្មណ៍អំឡុងពេលដែលបច្ចេកវិទ្យា AI មានសក្ដានុពលអភិវឌ្ឍ ហើយអ្វីដែលកើតឡើងវានឹងក្លាយជាលទ្ធផលសម្រាប់យើងរាល់គ្នា" ៕

ចុចអានបន្ត ៖

ប្រភព៖ DigitalTrends អត្ថបទ ៖ កៅ រក្សា