Apple Watch ជំនាន់ក្រោយ អាចនឹងបំពាក់អេក្រង់បច្ចេកវិទ្យា Micro-LED

2017-06-11 04:53:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple គ្រោងនឹងបញ្ចេញសង្វាក់ផលិតកម្ម Apple Watch ជំនាន់ក្រោយដោយបំពាក់មកជាមួយអេក្រង់ Micro-LED ដែលអាចបង្ហាញខ្លួននៅឆ្នាំក្រោយ។

តាមប្រភពពី Nikkei Asianឲ្យដឹងថា Apple ជាក្រុមហ៊ុនដំបូងគេដែលកំពុងដុតដៃដុតជើង(ខិតខំ) ផលិតចេញនូវបច្ចេកវិទ្យាអេក្រង់ Micro-LED ដែលជាជំនាន់ចុងក្រោយនៃបច្ចេកវិទ្យាអេក្រង់នាឡិកាដៃឆ្លាតវៃ Apple Watch។

តើអ្វីជាបច្ចេកវិទ្យាអេក្រង់ Micro-LED?

Micro-LED ជាបច្ចេកវិទ្យាអេក្រង់ឧបករណ៍អេឡិចត្រូនិកថ្មីដែលមានសមត្ថភាពបង្ហាញរូបភាពបានក្នុងកម្រិត Full HD ច្បាស់ម៉ត់ល្អលើសពីបច្ចេកវិទ្យា OLED។ ជាឧទាហរណ៍ កាលពីឆ្នាំ ២០១២ ក្រុមហ៊ុន SONY បានប្រកាសចេញបច្ចេកវិទ្យាអេក្រង់ Crystal LED ទំហំ ៥៥ អ៊ឺញលើទីផ្សារដែលធ្វើឲ្យ SONY ស៊ីដាច់គេលើបច្ចេកវិទ្យាកម្រិតអេក្រង់។ Micro-LED ជាបច្ចេកវិទ្យាច្របាច់បញ្ចូលរវាងបច្ចេកវិទ្យា TFT-LCD និង LED។

ប្រសិនបើ Apple អាចធ្វើបានប្រាកដណាស់គឺបំពាក់នៅលើនាឡិកាដៃឆ្លាតវៃ Apple Watch មុនគេ និងអាចក្លាយជាក្រុមហ៊ុនដំបូងគេដែលផលិតបានបច្ចេកវិទ្យាអេក្រង់ Micro-LED ចំពោះដំណើរការ Apple គ្រោងនឹងចាប់ផ្ដើមធ្វើតេស្តបច្ចេកវិទ្យានេះរហូតដល់ពាក់កណ្ដាលឆ្នាំ ២០១៧៕